പത്തനംതിട്ട: ജില്ലയുടെ കിഴക്കന് മേഖലയില് കനത്ത മഴ തുടരുന്നതിനാല് മണിയാര് ബാരേജിലേക്കുള്ള നീരൊഴുക്ക് ശക്തമാകുന്നതിനുള്ള സാഹചര്യം നിലനില്ക്കുന്നു. മണിയാര് ബാരേജിലെ ജലനിരപ്പ് ഉയരുന്നപക്ഷം, ജലനിരപ്പ് 34.62 മീറ്ററായി ക്രമീകരിക്കുന്നതിനായി ഏതു സമയത്തും മണിയാര് ബാരേജിന്റെ അഞ്ചു ഷട്ടറുകള് 10 മുതല് 60 സെന്റിമീറ്റര് വരെ ഉയര്ത്തേണ്ടതായി വന്നേക്കാം. തന്മൂലം കക്കാട്ടാറില് 30 സെന്റിമീറ്റര് മുതല് 120 സെന്റിമീറ്റര് വരെ ജലനിരപ്പ് ഉയര്ന്നേക്കാം. ഈ സാഹചര്യത്തില് കക്കാട്ടാര്, പമ്പയാര് തീരത്ത് താമസിക്കുന്നവരും മണിയാര്, വടശേരിക്കര, റാന്നി, കോഴഞ്ചേരി, ആറന്മുള നിവാസികളും മറ്റുള്ളവരും ജാഗ്രത പുലര്ത്തണമെന്ന് ജില്ലാ കളക്ടര് പി.ബി. നൂഹ് അറിയിച്ചു.
ബന്ധപ്പെട്ട രേഖ: https://keralanews.gov.in/6298/maniyar-barrage-water-flow-warning-.html
