ബെയ്ജിങ് ഫെബ്രുവരി 15: ചൈനയില് കൊറോണ വൈറസ് ബാധിച്ച് മരണം 1500 കടന്നു. 66,492 പേര്ക്ക് ചൈനയില് വൈറസ് ബാധ സ്ഥിരീകരിച്ചിട്ടുണ്ട്. ശനിയാഴ്ച 143 മരണങ്ങള് കൂടി റിപ്പോര്ട്ട് ചെയ്തു. വൈറസിന്റെ പ്രഭവകേന്ദ്രമായ ഹുബൈ പ്രവിശ്യയില് നിന്നുള്ളവരാണ്.
ചൈനയില് രോഗബാധയേറ്റ ആരോഗ്യപ്രവര്ത്തകരില് കൂടുതലും വുഹാനിലെ ആശുപത്രിയില് ജോലി ചെയ്യുന്നവരാണെന്നാണ് റിപ്പോര്ട്ട്. നഗരത്തില് 1102 ആരോഗ്യപ്രവര്ത്തകര്ക്കാണ് വൈറസ് ബാധയേറ്റതെന്ന് ദേശീയ ആരോഗ്യകമ്മീഷനിലെ മുതിര്ന്ന ഉദ്യോഗസ്ഥന് ഷെങ് യിഷിന് പറഞ്ഞു. രോഗികള് നിറഞ്ഞ ആശുപത്രികളില് മതിയായ തോതില് സുരക്ഷാ ഉപകരണങ്ങളെത്തിക്കാന് അധികൃതര്ക്ക് കഴിയുന്നില്ല. വുഹാനില് 398 ആശുപത്രികളുണ്ടെന്നാണ് കണക്ക്.
