ആലപ്പുഴ ഫെബ്രുവരി 13: കൊറോണ വൈറസ് ബാധിച്ച് ആലപ്പുഴ മെഡിക്കല് കോളേജ് ആശുപത്രിയില് ചികിത്സയിലായിരുന്ന മെഡിക്കല് വിദ്യാര്ത്ഥിയെ ഡിസ്ചാര്ജ്ജ് ചെയ്തു. ഫെബ്രുവരി 26 വരെ വിദ്യാര്ത്ഥി വീട്ടില് നിരീക്ഷണത്തില് തുടരും.
വിദ്യാര്ത്ഥിയുടെ പരിശോധനാഫലങ്ങള് തുടര്ച്ചയായി നെഗറ്റീവ് ആയതിനെ തുടര്ന്നാണ് ഡിസ്ചാര്ജ്ജ് ചെയ്തത്. ഫെബ്രുവരി 2-നാണ് വിദ്യാര്ത്ഥിക്ക് കൊറോണ സ്ഥിരീകരിച്ചത്. ജനുവരി 24ന് ചൈനയില് നിന്ന് തിരിച്ചെത്തിയ വിദ്യാര്ത്ഥിയെ 30ന് ഐസൊലേഷന് വാര്ഡില് പ്രവേശിപ്പിക്കുകയായിരുന്നു.
