ന്യൂഡല്‍ഹി ജനുവരി 16: ബിജെപി വര്‍ക്കിങ് പ്രസിഡന്റ് ജെപി നഡ്ഡ ബിജെപി ദേശീയ അധ്യക്ഷസ്ഥാനത്തേക്ക്. കേന്ദ്ര ആഭ്യന്തരമന്ത്രി അമിത് ഷായാണ് നിലവില്‍ ദേശീയ പ്രസിഡന്റ് സ്ഥാനവും കൈകാര്യം ചെയ്യുന്നത്. ജനുവരി 22ന് ബിജെപി ആസ്ഥാനത്ത് വച്ച് നടക്കുന്ന ചടങ്ങില്‍ പ്രധാനമന്ത്രി നരേന്ദ്രമോദിയുടെ സാന്നിദ്ധ്യത്തിലാകും ജെപി നഡ്ഡ അധ്യക്ഷസ്ഥാനം ഏറ്റെടുക്കുക.
ഭൂപീന്ദര്‍ യാദവ് ബിജെപിയുടെ പുതിയ വര്‍ക്കിങ് പ്രസിഡന്റോ വൈസ് പ്രസിഡന്റോ ആകുമെന്നാണ് സൂചന. പുതിയ നേതൃത്വത്തിന് കീഴില്‍ പാര്‍ട്ടിയുടെ വിവിധ ദേശീയ സമിതികളും പുനഃസംഘടിപ്പിക്കും.
