ആലപ്പുഴ: നഗരസഭാ അധ്യക്ഷ സ്ഥാനത്തെ ചൊല്ലി ആലപ്പുഴ നഗരസഭയില് പ്രതിഷേധം. ഒരു വിഭാഗം സിപിഐഎം പ്രവര്ത്തകര് നഗരത്തില് പ്രതിഷേധ പ്രകടനം നടത്തി. സിപിഐഎം ജില്ലാ നേതൃത്വത്തിന്റെ തീരുമാനത്തില് പ്രതിഷേധിച്ചാണ് പ്രകടനം. പ്രവര്ത്തകര് ജില്ലാ സെക്രട്ടേറിയറ്റ് അംഗം പി പി ചിത്തരഞ്ജന് എതിരെ മുദ്രാവാക്യം വിളിച്ചു.
എന്നാല് ആലപ്പുഴയില് തീരുമാനം മാറ്റില്ലെന്ന് സിപിഐഎം ജില്ലാ നേതൃത്വം വ്യക്തമാക്കി. പ്രവര്ത്തകരുടെ പ്രകടനം മര്യാദകേടെന്ന് സിപിഐഎം ജില്ലാ സെക്രട്ടറി ആര് നാസര് പറഞ്ഞു. ഒരു വിഭാഗം പ്രകടനം നടത്തിയതുകൊണ്ട് തീരുമാനം മാറ്റാനാകില്ലെന്നും ആര് നാസര് പറഞ്ഞു. പ്രകടനം നടത്തിയവര്ക്ക് എതിരെ നടപടി എടുക്കുമെന്നും ജില്ലാ സെക്രട്ടറി പറഞ്ഞു.
