കോട്ടയം : ജില്ലയിൽ ഇതുവരെ കൊവിഡ് ബാധിച്ചവരുടെ എണ്ണം ഇരുപതിനായിരം കടന്നു. രോഗം സ്ഥിരീകരിച്ച 20294 പേരിൽ 13064 പേർ രോഗമുക്തി നേടി. നിലവിൽ 7197പേർ ചികിത്സയിൽ കഴിയുന്നുണ്ട്. വെള്ളിയാഴ്ച (23/10/2020) 426 പേർക്ക് രോഗം സ്ഥിരീകരിച്ചു. 424പേർക്കും സമ്പർക്കത്തിലൂടെയാണ് രോഗം ബാധിച്ചത്. ഇതിൽ രണ്ട് ആരോഗ്യ പ്രവർത്തകരും, സംസ്ഥാനത്തിന് പുറത്തുനിന്ന് എത്തിയ രണ്ടുപേരും ഉൾപ്പെടുന്നു. രോഗികളിൽ 189 പുരുഷൻമാരും 184 സ്ത്രീകളും 53 കുട്ടികളും ഉൾപ്പെടുന്നു. 60 വയസിനു മുകളിലുള്ള 73 പേരുണ്ട്. 175പേർ രോഗമുക്തി നേടി. 17196 പേർ ക്വാറന്റൈനിൽ കഴിയുന്നുണ്ട്.
