ന്യൂഡൽഹി  / 2026  / ഒക്ടോബർ 04

കേന്ദ്ര സഹമന്ത്രി ഡോ. ജിതേന്ദ്ര സിങ് ജമ്മുവിൽ നിന്നുള്ള, ഇപ്പോൾ ഡൽഹിയിൽ പ്രവർത്തിക്കുന്ന മെഡിക്കൽ പൂർവവിദ്യാർഥികൾക്ക് ഇന്ന് ന്യൂഡൽഹിയിലെ വസതിയിൽ ഉച്ചഭക്ഷണ വിരുന്നൊരുക്കി. പങ്കെടുത്തവരിൽ ഭൂരിഭാഗവും ജമ്മു ഗവൺമെന്റ് മെഡിക്കൽ കോളേജിലെ പൂർവവിദ്യാർഥികളാണ്. മെഡിസിൻ, പ്രമേഹചികിത്സ എന്നീ മേഖലകളിൽ അദ്ദേഹം പ്രൊഫസറായി പ്രവർത്തിച്ചിരുന്ന കാലത്ത് പഠിപ്പിച്ചവരാണ് ഇവരിൽ പലരും. ഇപ്പോൾ ഡൽഹിയിലും ദേശീയ തലസ്ഥാന മേഖലയിലും സമീപപ്രദേശങ്ങളിലുമുള്ള ആശുപത്രികളിലും ആരോഗ്യസ്ഥാപനങ്ങളിലും മുതിർന്ന പദവികളിൽ പ്രവർത്തിക്കുന്നവരാണ് ഇവർ. ശാസ്ത്ര-സാങ്കേതികവിദ്യ, ഭൗമശാസ്ത്രം എന്നീ വകുപ്പുകളുടെ സ്വതന്ത്ര ചുമതലയുള്ള കേന്ദ്ര സഹമന്ത്രിയാണ് ജിതേന്ദ്ര സിങ്. പ്രധാനമന്ത്രിയുടെ ഓഫീസ്, പേഴ്‌സണൽ, പൊതുപരാതികൾ, പെൻഷൻ, ആണവോർജം, ബഹിരാകാശം എന്നീ വകുപ്പുകളുടെയും സഹമന്ത്രിയാണ് അദ്ദേഹം.

ചികിത്സാരംഗത്തെ പല മേഖലകളിൽ നിന്നുള്ള സംഗമം

പൊതുജീവിതത്തിലേക്ക് പൂർണമായി കടക്കുന്നതിന് മുമ്പ് ജമ്മു ഗവൺമെന്റ് മെഡിക്കൽ കോളേജിൽ പ്രവർത്തിച്ചിരുന്ന കാലം ജിതേന്ദ്ര സിങ് ഓർത്തെടുത്തു. പഴയ വിദ്യാർഥികളെ വീണ്ടും കാണുന്നതും അവർ തൊഴിൽജീവിതത്തിൽ കൈവരിച്ച മുന്നേറ്റം അറിയുന്നതും ഏറെ സന്തോഷം നൽകുന്നതായി അദ്ദേഹം പറഞ്ഞു. ഡോക്ടർമാർ തങ്ങളുടെ അനുഭവങ്ങളും വിദ്യാർഥിജീവിതത്തിലെ ഓർമകളും പങ്കുവച്ചു. മെഡിസിൻ, ന്യൂറോളജി, ശ്വാസകോശചികിത്സ, കാൻസർചികിത്സ, മാനസികാരോഗ്യം, ഫാർമക്കോളജി, ശിശുരോഗചികിത്സ, ദഹനവ്യവസ്ഥാ രോഗചികിത്സ, കരൾരോഗചികിത്സ, റേഡിയോളജി, നേത്രചികിത്സ, പ്ലാസ്റ്റിക് സർജറി, ആശുപത്രി ഭരണനിർവഹണം തുടങ്ങിയ വിവിധ മേഖലകളിൽ നിന്നുള്ളവർ സംഗമത്തിൽ പങ്കെടുത്തു. പ്രമുഖ ആശുപത്രികളിലും മെഡിക്കൽ സ്ഥാപനങ്ങളിലും മുതിർന്ന ചികിത്സാ, അധ്യാപന, ഭരണപദവികളിലാണ് ഇവരിൽ പലരും ഇന്ന് പ്രവർത്തിക്കുന്നത്.

പ്രമുഖ ആശുപത്രികളിലെ ഡോക്ടർമാർ വിരുന്നിനെത്തി

ലേഡി ഹാർഡിങ് മെഡിക്കൽ കോളേജിലെ മെഡിസിൻ പ്രൊഫസർ ഡോ. ഷെയ്ഖ് യാസിർ ഇസ്‌ലാം, നോയിഡയിൽ സ്വകാര്യ പ്രാക്ടീസ് നടത്തുന്ന ഡോ. സുംബുൾ എറം, ആർഎംഎൽ ആശുപത്രിയിലെ മെഡിസിൻ പ്രൊഫസർ ഡോ. സുജാത ഥാപ്പ, അതേ ആശുപത്രിയിലെ മെഡിസിൻ അസിസ്റ്റന്റ് പ്രൊഫസർ ഡോ. പത്മ ലാഡോൾ എന്നിവർ പങ്കെടുത്തു. ലേഡി ഹാർഡിങ് മെഡിക്കൽ കോളേജിലെ ന്യൂറോളജി അസോസിയേറ്റ് പ്രൊഫസർ ഡോ. അഖിൽ, നോയിഡ മാക്സ് ആശുപത്രിയിലെ കാൻസർരോഗ വിദഗ്ധൻ ഡോ. അതുൽ, ജിംസിലെ അസോസിയേറ്റ് പ്രൊഫസർ ഡോ. ഏക്ത അറോറ, റോഹ്തക്കിലെ പൾമണറി മെഡിസിൻ പ്രൊഫസർ ഡോ. സഞ്ജയ് ഫോട്ടേദാർ എന്നിവരും എത്തിയിരുന്നു. മേവാട്ടിലെ എസ്‌എച്ച്‌കെഎം ഗവൺമെന്റ് മെഡിക്കൽ കോളേജിലെ പ്രൊഫസർ ഡോ. ശിഖ മഹാജൻ, വസന്ത് കുഞ്ചിലെ ഇന്ത്യൻ സ്പൈനൽ ഇൻജറീസ് സെന്ററിലെ പ്ലാസ്റ്റിക് സർജൻ ഡോ. ഹീന കുട്യാർ, ഗുരുഗ്രാമിലെ വിവിധ രോഗനിർണയ കേന്ദ്രങ്ങളുമായി ബന്ധപ്പെട്ട് പ്രവർത്തിക്കുന്ന പാത്തോളജിസ്റ്റ് ഡോ. ഹിമാനി കുട്യാർ എന്നിവരും വിരുന്നിൽ പങ്കെടുത്തു.

ചികിത്സയും അധ്യാപനവും ഭരണവും ഒരുമിച്ചെത്തി

ബിഎൽകെ ആശുപത്രിയിലെ മെഡിക്കൽ ഡയറക്ടറും സർജിക്കൽ ഓങ്കോളജിസ്റ്റുമായ ഡോ. അശ്വനി, എയിംസിലെ സൈക്യാട്രി പ്രൊഫസർ ഡോ. ഗഗൻ, ഡൽഹി ആർമി മെഡിക്കൽ കോളേജിലെ ഫാർമക്കോളജി പ്രൊഫസർ ഡോ. നേവി ഗുപ്ത എന്നിവരും സംഗമത്തിലുണ്ടായിരുന്നു. ഗുരുഗ്രാമിലെ അപ്പോളോ ആശുപത്രികളിൽ സീനിയർ കൺസൾട്ടന്റും കുട്ടികളുടെ ദഹനവ്യവസ്ഥാ രോഗവിദഗ്ധയും കരൾരോഗ ചികിത്സാ, കരൾമാറ്റിവെക്കൽ വിദഗ്ധയുമായ ഡോ. ശിവാനി ദേശ്‌വാൾ പങ്കെടുത്തു. നൂഹിലെ മഹാജൻ ഡയഗ്നോസ്റ്റിക് സെന്ററിന്റെയും ഗുരുഗ്രാമിലെ പ്രഥം എംആർഐയുടെയും ചീഫ് റേഡിയോളജിസ്റ്റും ഡയറക്ടറുമായ ഡോ. ആശിഷ് മഹാജനും എത്തിയിരുന്നു. വൈശാലിയിലെ മാക്സ് സൂപ്പർ സ്പെഷ്യാലിറ്റി ആശുപത്രിയിലെ നേത്രരോഗവിദഗ്ധയും നേത്രപരിചരണ വിഭാഗം ഡയറക്ടറുമായ ഡോ. റിങ്കി ആനന്ദ് ഗുപ്ത, കേന്ദ്ര ധനമന്ത്രാലയത്തിലെ ഡോ. അഭിഷേക് ചന്ദ്ര ഗുപ്ത, എയിംസിലെ ആശുപത്രി ഭരണവിഭാഗത്തിൽ പ്രവർത്തിക്കുന്ന ഡോ. അങ്കുഷ് ശർമ എന്നിവരും പങ്കെടുത്തു. സർ ഗംഗാ റാം ആശുപത്രിയിലെ ഡോ. എസ്. പി. ബ്യോത്ര, നോയിഡയിലെ മേദാന്ത ആശുപത്രിയിലെ സീനിയർ ന്യൂറോളജിസ്റ്റ് ഡോ. നമിത കൗൾ എന്നിവരും വിരുന്നിനെത്തി.

വിദ്യാർഥികളുടെ നേട്ടം അധ്യാപകന് ഏറ്റവും വലിയ സന്തോഷം

ജിതേന്ദ്ര സിങ്ങിന്റെ ക്ലാസുകളിൽ പങ്കെടുത്ത അനുഭവങ്ങളും ജമ്മു ഗവൺമെന്റ് മെഡിക്കൽ കോളേജിലെ പഠനകാലത്തെ ഓർമകളും പൂർവവിദ്യാർഥികൾ പങ്കുവച്ചു. വർഷങ്ങൾക്കുശേഷം വീണ്ടും ഒത്തുചേരാനും തൊഴിൽജീവിതത്തിലെ യാത്രകൾ പങ്കിടാനും വിരുന്ന് അവസരമായി. പഠനകാലത്ത് ലഭിച്ച അറിവിന്റെ അടിത്തറയ്ക്കും മാർഗനിർദേശത്തിനും അവർ അധ്യാപകനോട് നന്ദി പറഞ്ഞു. വിദഗ്ധ ചികിത്സ മുതൽ മെഡിക്കൽ വിദ്യാഭ്യാസവും ആശുപത്രി ഭരണവും വരെ വ്യത്യസ്ത വഴികളിലൂടെ സഞ്ചരിച്ച ഇവർ ആരോഗ്യരംഗത്ത് വിവിധ നിലകളിൽ സംഭാവന നൽകുന്നു. ഡൽഹി ദേശീയ തലസ്ഥാന മേഖലയിലെയും സമീപപ്രദേശങ്ങളിലെയും പ്രമുഖ ആശുപത്രികളിലും വിദ്യാഭ്യാസ സ്ഥാപനങ്ങളിലുമാണ് ഇവരുടെ സേവനം. വിദ്യാർഥികൾ ജീവിതത്തിൽ മുന്നേറുന്നതും ഉയർന്ന പദവികളിലെത്തുന്നതും സമൂഹത്തിന് അർഥവത്തായ സംഭാവന നൽകുന്നതും കാണുന്നത് അധ്യാപനജീവിതത്തിലെ ഏറ്റവും സംതൃപ്തി നൽകുന്ന അനുഭവങ്ങളിലൊന്നാണെന്ന് ജിതേന്ദ്ര സിങ് പറഞ്ഞു. പഴയ വിദ്യാർഥികളുടെ നേട്ടങ്ങളിലും ആരോഗ്യരംഗത്ത് അവർ തുടരുന്ന സേവനത്തിലും അദ്ദേഹം സന്തോഷം പ്രകടിപ്പിച്ചു. ജമ്മു ഗവൺമെന്റ് മെഡിക്കൽ കോളേജിലെ പങ്കിട്ട പഠനകാലവും അതിനുശേഷമുള്ള തൊഴിൽയാത്രകളും ഓർത്തെടുത്ത സൗഹൃദസംഗമമായി വിരുന്ന് മാറി.