കൊച്ചി, 2026 ജൂൺ 25 –

എറണാകുളത്ത് മതിയായ രേഖകളില്ലാതെ സ്വകാര്യ പ്ലൈവുഡ് ഫാക്ടറിയിൽ ജോലി ചെയ്തിരുന്ന ബംഗ്ലാദേശ് സ്വദേശിയെ തീവ്രവാദ വിരുദ്ധ സേന പിടികൂടി. മുഹമ്മദ് റാത്തോൺ ഇസ്‌ലാമാണ് പിടിയിലായത്. എറണാകുളം കുറുപ്പംപടിക്ക് സമീപം വണ്ടമറ്റത്തുള്ള പ്ലൈവുഡ് കമ്പനിയിൽ നിന്നാണ് ഇയാളെ പിടികൂടിയത്.

ഒരു മാസമായി പ്ലൈവുഡ് കമ്പനിയിൽ ജോലി ചെയ്തുവരികയായിരുന്ന മുഹമ്മദ് റാത്തോൺ ഇസ്‌ലാം മതിയായ രേഖകളില്ലാതെ എറണാകുളത്ത് താമസിക്കുന്നുണ്ടെന്ന രഹസ്യ വിവരത്തെ തുടർന്നാണ് പരിശോധന നടത്തിയത്. പരിശോധനയ്ക്കിടെയാണ് ഇയാൾ പിടിയിലായത്.

തുടർനടപടികൾക്കും വിശദമായ അന്വേഷണത്തിനുമായി പ്രതിയെ കുറുപ്പംപടി പൊലീസിന് കൈമാറി. സംഭവവുമായി ബന്ധപ്പെട്ട അന്വേഷണം തുടരുകയാണ്.