തിരുവനന്തപുരം: കുട്ടികൾക്കിടയിൽ വർധിച്ചുവരുന്ന സമൂഹമാധ്യമ ആസക്തി സംബന്ധിച്ച് പൊതുജനങ്ങളിൽനിന്ന് അഭിപ്രായം തേടി വിദ്യാഭ്യാസ വകുപ്പ്. കുട്ടികൾക്കായി കർശനമായ സോഷ്യൽ മീഡിയ നിയന്ത്രണ നിയമം വേണമോ എന്നതുൾപ്പെടെയുള്ള കാര്യങ്ങളിലാണ് പൊതുജനാഭിപ്രായം തേടുന്നത്.
കുട്ടികളുടെ സുരക്ഷിതമായ ഭാവി ഉറപ്പുവരുത്താൻ എല്ലാവരുടെയും ക്രിയാത്മകമായ നിർദേശങ്ങളും സഹകരണവും പ്രതീക്ഷിക്കുന്നതായി പൊതുവിദ്യാഭ്യാസ മന്ത്രി വി. ശിവൻകുട്ടി അറിയിച്ചു.
