.
സുല്ത്താന് ബത്തേരി: ഗോത്ര വിഭാഗത്തിൽപെട്ട പെൺകുട്ടിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച പ്രതി പിടിയിൽ. നവംബർ മൂന്നിന് ആയിരുന്നു കേസിന് ആസ്പദമായ സംഭവം. ബത്തേരി പോലീസിൽ ലഭിച്ച പരാതിയെ തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. തമിഴ്നാട് ദേവര്ഷോല ചമ്പകൊല്ലി ഉന്നതിയിലെ കുമാര് എന്ന അച്ചു(20) ആണ് കേസിൽ അറസ്റ്റിലായത്.
കുട്ടിയെ പ്രതി ഭീഷണിപ്പെടുത്തി ബസില് കയറ്റി തമിഴ്നാട്ടിലേക്ക് കൊണ്ടുപോകുകയായിരുന്നു.
മുത്തശിയുടെ വീട്ടില് പോകാന് ബത്തേരി ബസ് സ്റ്റാന്റിൽ നിന്ന കുട്ടിയെ പ്രതി ഭീഷണിപ്പെടുത്തി ബസില് കയറ്റി തമിഴ്നാട്ടിലേക്ക് കൊണ്ടുപോകുകയായിരുന്നു. നാല് ദിവസങ്ങൾക്ക് ശേഷം ഏഴാം തീയതി കുമാര് വീട്ടിലില്ലാത്ത സമയത്ത് പെണ്കുട്ടി രക്ഷപ്പെടുകയായിരുന്നു. കോടതിയില് ഹാജരാക്കിയ പ്രതിയെ റിമാന്റ് ചെയ്തു
