തിരുവനന്തപുരം| 67-ാമത് സംസ്ഥാന സ്കൂള് കായിക മേളയ്ക്ക് ഇന്ന് (ഒക്ടോബർ 21)തുടക്കമാവും. തിരുവനന്തപുരം യൂനിവേഴ്സിറ്റി സ്റ്റേഡിയത്തില് വൈകീട്ട് നാലുമണിയ്ക്ക് മുഖ്യമന്ത്രി പിണറായി വിജയന് മേള ഉദ്ഘാടനം ചെയ്യും. ഒളിംപിക്സ് മാതൃകയിലുള്ള സംസ്ഥാന സ്കൂള് കായികമേളയ്ക്കാണ് തലസ്ഥാനം ഒരുങ്ങിയത്. ഒക്ടോബര് 21 മുതല് 28 വരെയാണ് കായികമേള. മുന് ഇന്ത്യന് ഫുട്ബോള് ക്യാപ്റ്റനും ഇതിഹാസ താരവുമായ ഐഎം വിജയനും വിദ്യാഭ്യാസ മന്ത്രി വി ശിവന്കുട്ടിയും ചേര്ന്നു ദീപശിഖ തെളിയിക്കും.കായിക താരങ്ങളുടെ മാര്Sports, ച്ച് പാസ്റ്റോടെയാകും ഉദ്ഘാടനച്ചടങ്ങിന് തുടക്കമാവുക.
മൂവായിരത്തോളം കുട്ടികള് പങ്കെടുക്കുന്ന സാംസ്കാരിക പരിപാടികൾ
ഉദ്ഘാടന ചടങ്ങിന് ശേഷം കേരളത്തിന്റെ സാംസ്കാരിക പൈതൃകവും പാരമ്പര്യവും വിളിച്ചോതുന്ന കലാപരിപാടികള് അരങ്ങേറും. മൂവായിരത്തോളം കുട്ടികള് പങ്കെടുക്കുന്ന സാംസ്കാരിക പരിപാടികളും ഓരോ ജില്ലയില് നിന്നും മുന്നൂറ് കുട്ടികള് പങ്കെടുക്കുന്ന വിപുലമായ മാര്ച്ച് പാസ്റ്റുമാണ് ഒരുക്കിയിരിക്കുന്നത്. പ്രതിപക്ഷ നേതാവ്, മന്ത്രിമാര്, എംപിമാര്, എംഎല്എമാര്, മറ്റ് ജനപ്രതിനിധികള് എന്നിവര് ചടങ്ങില് പങ്കെടുക്കും. ക്രിക്കറ്റ് താരം സഞ്ജു സാംസണ് ആണ് മേളയുടെ ബ്രാന്ഡ് അംബാസഡര് .
