കൊച്ചി: കൈക്കൂലി വാങ്ങുന്നതിനിടെ എസ്ഐ അറസ്റ്റില്. കൊച്ചി മരട് സ്റ്റേഷനിലെ ഗ്രേഡ് എസ്ഐ ഗോപകുമാറിനെയാണ് വിജിലന്സ് സംഘം പിടികൂടിയത്. പിടിച്ചെടുത്ത വാഹനം വിട്ടുകിട്ടാനായി പതിനായിരം രൂപയാണ് എസ്ഐ കൈക്കൂലിയായി ആവശ്യപ്പെട്ടത്. തുടര്ന്ന് സ്റ്റേഷനില്വെച്ച് കൈക്കൂലി വാങ്ങിയതിന് പിന്നാലെ വിജിലന്സ് സംഘം ഇയാളെ കൈയോടെ പിടികൂടുകയായിരുന്നു.
പണം കിട്ടാതെ വാഹനം വിട്ടുതരില്ലെന്ന് എസ്ഐ പറഞ്ഞതോടെ വാഹന ഉടമ വിജിലന്സിനെ സമീപിക്കുകയായിരുന്നു
ഒരു കേസില് കസ്റ്റഡിയിലെടുത്ത വാഹനം വിട്ടുകിട്ടണമെങ്കില് തനിക്ക് പതിനായിരം രൂപ നല്കണമെന്നാണ് വാഹന ഉടമയോട് എസ്ഐ പറഞ്ഞിരുന്നത്. പണം കിട്ടാതെ വാഹനം വിട്ടുതരില്ലെന്ന് എസ്ഐ പറഞ്ഞതോടെ വാഹന ഉടമ വിജിലന്സിനെ സമീപിക്കുകയായിരുന്നു. . തുടര്ന്ന് വിജിലന്സ് സംഘം കൈമാറിയ നോട്ടുകളുമായി മരട് സ്റ്റേഷനിലെത്തിയ വാഹന ഉടമ എസ്ഐ ഗോപകുമാറിന് പണം കൈമാറിയതിനു പിന്നാലെ വിജിലന്സ് സംഘം എസ്ഐയെ വളയുകയും കൈയോടെ പിടികൂടുകയുമായിരുന്നു.
