റായ്പുര്: രണ്ടു കിലോയോളം സ്ഫോടകവസ്തുക്കള് നിറച്ച സ്പീക്കറുകള് സമ്മാനമായി നല്കി ഒരാളെ കൊലപ്പെടുത്താന് ശ്രമിച്ച കേസില് 20-കാരനടക്കം ഏഴു പേര് അറസ്റ്റില്. ഛത്തീസ്ഗഡിലെ ഖൈരാഗഡ്-ചുയിഖാദന്-ഗണ്ടായി ജില്ലയിലെ മാന്പുര് ഗ്രാമത്തിലാണ് സംഭവം. പ്ലഗ് ഇന് ചെയ്യുമ്പോള് പൊട്ടിത്തെറിക്കുന്ന തരത്തിലായിരുന്നു സ്പീക്കറുകള് നിര്മിച്ചിരുന്നത്. ഐടിഐ ഡിപ്ലോമക്കാരനും ഇലക്ട്രീഷ്യനുമായ വിനയ് വര്മയാണ് കേസില് മുഖ്യപ്രതി.
പെണ്കുട്ടിയുടെ വിവാഹത്തെ തുടര്ന്നുണ്ടായ പകയാണ് വിനയ് വര്മയെ കൊലപാതകത്തിന് പ്രേരിപ്പിച്ചത്
താന് ഇഷ്ടപ്പെട്ടിരുന്ന പെണ്കുട്ടിയുടെ വിവാഹത്തെ തുടര്ന്നുണ്ടായ പകയാണ് വിനയ് വര്മയെ കൊലപാതകത്തിന് പ്രേരിപ്പിച്ചത്. ഓഗസ്റ്റ് 15-നാണ് മാന്പുര് ഗ്രാമത്തില് ചെറിയ കട നടത്തുന്ന ഇലക്ട്രീഷ്യന് കൂടിയായ അഫ്സര് ഖാന് തന്റെ പേരും വ്യാജ ഇന്ത്യ പോസ്റ്റ് ലോഗോയും ഉള്ള ഒരു പൊതിയില് സമ്മാനം ലഭിക്കുന്നത്. അയച്ചയാളുടെ പേരോ സമ്മാനം നല്കാനുള്ള കാരണമോ ഒന്നും തന്നെ അതില് ഉണ്ടായിരുന്നില്ല.
സ്ക്വാഡിലെ ഒരു നായ സ്പീക്കറുകളില് ഒളിപ്പിച്ചിരിക്കുന്ന സ്ഫോടകവസ്തുക്കള് കണ്ടെത്തി
സമ്മാനം എത്തിച്ചപ്പോഴേക്കും അഫ്സര് ഖാന് കടയടച്ചിരുന്നു. അടുത്ത ദിവസം എത്തി സമ്മാനപ്പൊതി തുറന്നപ്പോഴാണ് സാധാരണയില് കവിഞ്ഞ് ഭാരമുള്ള സ്പീക്കറുകള് ലഭിക്കുന്നത്. എന്തോ കുഴപ്പമുണ്ടെന്ന് സംശയിച്ച അഫ്സര് ഉടന് തന്നെ സംഭവം ഗണ്ടായ് പോലീസില് അറിയിച്ചു. അവര് സ്ഥലത്തെത്തി പ്രാഥമിക അന്വേഷണം നടത്തി. തുടര്ന്ന് ബോംബ് ഡിറ്റക്ഷന് ആന്ഡ് ഡിസ്പോസല് ടീം (ബിഡിഡിഎസ്) സംഘത്തെ വിളിച്ചുവരുത്തുകയായിരുന്നു. സ്ക്വാഡിലെ ഒരു നായ സ്പീക്കറുകളില് ഒളിപ്പിച്ചിരിക്കുന്ന സ്ഫോടകവസ്തുക്കള് കണ്ടെത്തിയതോടെയാണ് വധോദ്യമമാണെന്ന് വ്യക്തമായ
