ന്യൂയോർക്ക്: ബംഗ്ലാദേശ് സര്ക്കാരിനുള്ള എല്ലാ സഹായവും നിര്ത്തിവെയ്ക്കാന് ട്രംപിന്റെ ഉത്തരവ്. മുഹമ്മദ് യുനുസ് സര്ക്കാരിനുള്ള എല്ലാ സഹായപദ്ധതികളും നിര്ത്താനാണ് ഉത്തരവ്. കോണ്ട്രാക്റ്റുകള്, ഗ്രാന്ഡുകള്, സഹകരണ കരാറുകള് എന്നിവയെല്ലാം നിര്ത്താന് യുണൈറ്റഡ് സ്റ്റേറ്റ്സ് ഏജന്സി ഫോര് ഇന്റര്നാഷണല് ഡെവലപ്മെന്റ് (യുഎസ്എഐഡി) അതിന്റെ പങ്കാളികള്ക്ക് നിര്ദേശം നല്കി.
വിദേശരാജ്യങ്ങള്ക്കുള്ള സഹായധനം, വിലയിരുത്തുന്നതിനായി 90 ദിവസത്തേക്ക് മരവിപ്പിക്കുന്നതായി ട്രംപ് പ്രഖ്യാപിച്ചതിന് പിന്നാലെയാണ് ബംഗ്ലദേശിനെതിരായി യുഎസ് ഏജന്സിയുടെ നടപടി.
ഈ തീരുമാനം പലരെയും ഞെട്ടിക്കുന്നതാണ്
ബംഗ്ലാദേശിലെ നിലവിലെ സാമ്പത്തിക പ്രതിസന്ധി കണക്കിലെടുക്കുമ്പോള് ഈ തീരുമാനം പലരെയും ഞെട്ടിക്കുന്നുണ്ട്. ഇതിനകം തന്നെ കടുത്ത സാമ്പത്തിക പ്രതിസന്ധിയുമായി പൊരുതുന്ന രാജ്യം, യുഎസ് സഹായം താല്ക്കാലികമായി നിര്ത്തിവച്ചാല് കൂടുതല് വെല്ലുവിളികള് അഭിമുഖീകരിക്കേണ്ടി വരുമെന്നാണ് വിലയിരുത്തല്
