ചിത്രത്തിന്റെ അന്നൗണ്സ്മെന്റ് മുതല് പ്രേക്ഷകര് ഓരോ അപ്ഡേറ്റിനായി കാത്തിരിക്കുന്ന ചിത്രമാണ് ജിയോ ബേബി സംവിധാനം ചെയ്യുന്ന കാതല് ദി കോര്.
മെഗാ സ്റ്റാര് മമ്മൂട്ടിയോടൊപ്പം വര്ഷങ്ങളുടെ ഇടവേള കഴിഞ്ഞു മലയാളത്തിലേക്ക് തിരിച്ചെത്തുകയാണ് ജ്യോതിക ഈ ചിത്രത്തിലൂടെ. ചിത്രത്തിന്റെ ഫസ്റ്റ് ലുക്ക് പോസ്റ്ററില് വളരെ സന്തോഷപ്പെട്ട കുടുംബാങ്ങളെ പോലെ പ്രത്യക്ഷപ്പെട്ട മമ്മൂട്ടിയുടേയും ജ്യോതികയുടെയും കഥാപാത്രങ്ങള് സെക്കൻഡ് ലുക്കില് അല്പം ഗൗരവത്തിലാണ്.
മമ്മൂട്ടി കമ്ബനി നിര്മ്മാണം നിര്വഹിക്കുന്ന കാതല് ദുല്ഖര് സല്മാന്റെ വേഫേറെര് ഫിലിംസ് ആണ് വിതരണം ചെയ്യുന്നത്. സാലു കെ. തോമസ്സാണ് ഛായാഗ്രാഹകൻ. ആദര്ശ് സുകുമാരൻ, പോള്സണ് സക്കറിയ എന്നിവര് ചേര്ന്നാണ് തിരക്കഥ ഒരുക്കിയിരിക്കുന്നത്. മുത്തുമണി, ചിന്നു ചാന്ദിനി, സുധി കോഴിക്കോട്,അലിസ്റ്റര് അലക്സ്, അനഘ അക്കു, ജോസി സിജോ, ആദര്ശ് സുകുമാരൻ തുടങ്ങിയവര് മറ്റു പ്രധാന വേഷങ്ങളില് എത്തുന്നു.
ചിത്രത്തിന്റെ എക്സിക്യൂട്ടീവ് പ്രൊഡ്യൂസര് എസ്. ജോര്ജാണ്. പ്രേക്ഷക സ്വീകാര്യത നേടിയ മമ്മൂട്ടി കമ്ബനിയുടെ റോഷാക്കും നൻപകൻ നേരത്തു മയക്കത്തിനും ശേഷം ഒരുക്കുന്ന കാതല് പ്രേക്ഷകന് വ്യത്യസ്ത കാഴ്ചാനുഭവം സമ്മാനിക്കുമെന്നുറപ്പാണ്.കാതലിന്റെ പ്രമേയം തന്നെ ഏറെ ആകര്ഷിച്ച ഒന്നാണെന്നു നേരത്തെ തെന്നിന്ത്യൻ താരം സൂര്യ അഭിപ്രായപ്പെട്ടിരുന്നു. ചിത്രത്തിന്റെ റിലീസ് അപ്ഡേറ്റിനായി കാത്തിരിക്കുകയാണ് ഓരോ സിനിമാസ്വാദകനും.
എഡിറ്റിങ്: ഫ്രാൻസിസ് ലൂയിസ്, സംഗീതം: മാത്യൂസ് പുളിക്കൻ,ഗാനരചന : അൻവര് അലി,ജാക്വിലിൻ മാത്യു, ആര്ട്ട്: ഷാജി നടുവില്, ലൈൻ പ്രൊഡ്യൂസര്: സുനില് സിംഗ്, പ്രൊഡക്ഷൻ കണ്ട്രോളര്: ഡിക്സണ് പൊടുത്താസ്, സൗണ്ട് ഡിസൈൻ: ടോണി ബാബു MPSE, ഗാനരചന: അലീന, വസ്ത്രാലങ്കാരം: സമീറാ സനീഷ്, മേക്കപ്പ്: അമല് ചന്ദ്രൻ, കോ ഡയറക്ടര്: അഖില് ആനന്ദൻ, ചീഫ് അസോസിയേറ്റ് ഡയറക്ടര്: മാര്ട്ടിൻ എൻ. ജോസഫ്, കുഞ്ഞില മാസിലാമണി, പ്രൊഡക്ഷൻ എക്സിക്യുട്ടീവ്: അസ്ലാം പുല്ലേപ്പടി, സ്റ്റില്സ്: ലെബിസണ് ഗോപി,ഡിജിറ്റല് മാര്ക്കറ്റിംഗ് :വിഷ്ണു സുഗതൻ, അനൂപ്, പബ്ലിസിറ്റി ഡിസൈനര്:ആന്റണി സ്റ്റീഫൻ, പി.ആര്.ഒ: പ്രതീഷ് ശേഖര് എന്നിവർ നിർവ്വഹിക്കുന്നു.
