ന്യൂഡല്ഹി: കോവിഡ് 19 ന്റെ ചികില്സയ്ക്ക് ഉപയോഗിക്കുന്ന തെറാപ്പി മരുന്നായ റെംഡെസിവൈറിന്റെ നിര്മ്മാണത്തിനും വിതരണത്തിനുമായി ഗിലിയാഡ് സയന്സസ് ഇങ്കുമായി കരാറില് ഒപ്പുവെച്ചതായി മരുന്ന് കമ്പനിയായ സിഡസ് കാഡില.
കൊറോണ വൈറസിന്റെ ഗുരുതരമായ ലക്ഷണങ്ങളാല് ബുദ്ധിമുട്ടുന്ന രോഗികളെ ചികിത്സിക്കുന്നതിനായി ഗിലിയാഡ് സയന്സസ് ഇന്കോര്പ്പറേഷന്റെ റെംഡെസിവിറിന് യുണൈറ്റഡ് സ്റ്റേറ്റ്സ് ഫുഡ് ആന്ഡ് ഡ്രഗ് അഡ്മിനിസ്ട്രേഷന് (യുഎസ്എഫ്ഡിഎ)അടിയന്തര സാഹചര്യ ഉപയോഗ അനുമതി (ഇയുഎ) നല്കിയിട്ടുണ്ടെന്ന് സിഡസ് കാഡില പ്രസ്താവനയില് പറഞ്ഞു.ഇന്നലെ(12-06-20)യാണ് ക്മ്പനി ഇക്കാര്യം അറിയിച്ചത്.
മെയ് മാസത്തില് ഫാര്മസ്യൂട്ടിക്കല് സ്ഥാപനങ്ങളായ സിപ്ല, ജൂബിലന്റ് ലൈഫ് സയന്സസ്, ഹെറ്റെറോ എന്നിവയും ഗിലെയാഡ് സയന്സസ് ഇംക്യുമെന്റുമായി റിമെഡെസിവിറിന്റെ നിര്മ്മാണത്തിനും വിതരണത്തിനുമായി കരാറുകളില് ഏര്പ്പെട്ടിരുന്നു.
കരാറിന്റെ ഭാഗമായി റിമെഡെസിവിറിനും ഫിനിഷ്ഡ് പ്രൊഡക്റ്റിനുമായി എപിഐ നിര്മ്മിക്കാനും ഇന്ത്യയുള്പ്പെടെ 127 രാജ്യങ്ങളില് വിപണനം നടത്താനും ഗിലെയാദ് സയന്സസ് ഇങ്കില് നിന്ന് സിഡസിന് നിര്മ്മാണ അറിവ് ലഭിക്കും.
