തിരുവനന്തപുരം: പാലാ ബിഷപ്പ് മാര് ജോസഫ് കല്ലറങ്ങാട്ടിന്റെ നാര്ക്കോട്ടിക് ജിഹാദ് പ്രസ്താവനയില് പ്രതികരണവുമായി മുഖ്യമന്ത്രി പിണറായി വിജയന്. നാര്ക്കോട്ടിക് ജിഹാദ് ആദ്യമായി കേള്ക്കുകയാണെന്ന് പിണറായി പറഞ്ഞു.
ഇത്തരം കാര്യങ്ങള് പറയുമ്പോള് സമൂഹത്തില് ഏതെങ്കിലും തരത്തിലുള്ള ചേരിതിരിവ് ഉണ്ടാക്കാതിരിക്കുക എന്നത് പ്രധാനമാണെന്നും അത് ശ്രദ്ധിക്കണമെന്നും മുഖ്യമന്ത്രി പറഞ്ഞു.
‘നാര്ക്കോട്ടിക് ഏതെങ്കിലും ഒരു മതത്തെ ബാധിക്കുന്നതല്ല. സമൂഹത്തെയാകെ ബാധിക്കുന്നതാണ്. അതിനെതിരെ സര്ക്കാര് ബോധവാന്മാരാണ്,’ അദ്ദേഹം പറഞ്ഞു.
നാര്ക്കോട്ടികിന് ഏതെങ്കിലും മതത്തിന്റെ നിറമില്ലെന്നും അതിന് സാമൂഹിക വിരുദ്ധതയുടെ നിറം മാത്രമാണുള്ളതെന്നും മുഖ്യമന്ത്രി കൂട്ടിച്ചേര്ത്തു. പാലാ ബിഷപ്പ് എന്താണ് പറയാന് ഉദ്ദേശിച്ചതെന്ന് വ്യക്തമല്ലെന്നും അദ്ദേഹം പറഞ്ഞു.
