ലണ്ടന്‍: വിസയുടെ കാലാവധി നീട്ടണമെന്നാവശ്യപ്പെട്ട് പാകിസ്താന്‍ മുന്‍ പ്രധാനമന്ത്രി നവാസ് ഷരീഫ് സമര്‍പ്പിച്ച അപേക്ഷ ബ്രിട്ടീഷ് ആഭ്യന്തരമന്ത്രാലയം തള്ളി. അദ്ദേഹത്തിന്റെ രാഷ്ട്രീയപ്പാര്‍ട്ടിയായ പാകിസ്താന്‍ മുസ്ലിം ലീഗ്-നവാസും (പി.എം.എല്‍.-എന്‍.) ഇക്കാര്യം സ്ഥിരീകരിച്ചിട്ടുണ്ട്. പാകിസ്താനില്‍ രണ്ട് അഴിമതിക്കേസുകളില്‍ വിചാരണ നേരിടുന്ന ഷരീഫ് 2019 നവംബറിലാണ് ലണ്ടനിലെത്തുന്നത്. നാലാഴ്ചത്തെ ചികിത്സയ്ക്കായാണ് എത്തിയതെങ്കിലും പിന്നീട് ഇവിടെ തുടരുകയായിരുന്നു.തീരുമാനത്തിനെതിരേ അപ്പീല്‍ നല്‍കുമെന്നും അന്തിമതീര്‍പ്പുണ്ടാകുംവരെ ഷരീഫ് ബ്രിട്ടനില്‍ തുടരുമെന്നും പാര്‍ട്ടിവക്താവ് മറിയം ഔറംഗസീബ് അറിയിച്ചു.
നവാസ് ഷരീഫിന്റെ വിസ കാലാവധി നീട്ടില്ലെന്ന് ബ്രിട്ടന്‍: നിയമപോരാട്ടത്തിനെന്ന് പാര്‍ട്ടി
