ദില്ലി: നിയമസഭാ കയ്യാങ്കളി കേസിൽ സുപ്രീംകോടതി 28/07/2021 ബുധനാഴ്ച വിധി പറയും. ജസ്റ്റിസ് ഡി വൈ ചന്ദ്രചൂഡ് അദ്ധ്യക്ഷനായ ബെഞ്ചാണ് വിധി പറയുക. കേസ് പിന്വലിക്കാന് അനുമതി തേടി സംസ്ഥാന സര്ക്കാരും, മന്ത്രി വി ശിവന്ക്കുട്ടി അടക്കം ആറ് ഇടത് നേതാക്കളും സമര്പ്പിച്ച അപ്പീലുകളില് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് വിധി പറയുന്നത്.
Read Also: നിയമസഭാ കയ്യാങ്കളിക്കേസ്; സംസ്ഥാന സർക്കാറിനെതിരെ രൂക്ഷമായ വിമർശനവുമായി സുപ്രീം കോടതി
Read Also: നിയമസഭാ കയ്യാങ്കളിക്കേസ് പിൻവലിക്കണമെന്ന ഹർജി ഹൈക്കോടതി തള്ളി, മന്ത്രിമാരടക്കം വിചാരണ നേരിടണം
നിയമസഭയ്ക്കുള്ളിൽ പൊതുമുതൽ നശിപ്പിച്ച കേസ് പിൻവലിക്കാൻ സര്ക്കാരിന് സാധിക്കില്ലെന്ന് കേസിൽ വാദം കേൾക്കവെ കോടതി വ്യക്തമാക്കിയിരുന്നു. കേസ് അവസാനിപ്പിക്കാൻ എന്ത് പൊതുതാല്പ്പര്യമെന്ന ചോദ്യവും കോടതി ഉയര്ത്തിയിരുന്നു.
കേസ് അവസാനിപ്പിക്കണമെന്ന് ആവശ്യപ്പെട്ട് പ്രതികളായ മന്ത്രി വി ശിവൻകുട്ടി, മുൻ മന്ത്രിമാരായ ഇ പി ജയരാജൻ, കെ ടി ജലീൽ തുടങ്ങിയവരും കോടതിയെ സമീപിച്ചിരുന്നു. തിരുവനന്തപുരം സി.ജെ.എം കോടതി, ഹൈക്കോടതി എന്നിവിടങ്ങളില് നിന്ന് വന് തിരിച്ചടി നേരിട്ട ശേഷമാണ് സംസ്ഥാന സര്ക്കാര് സുപ്രിംകോടതിയിലെത്തിയത്. കേസ് പിന്വലിക്കാനുള്ള നീക്കത്തിനെതിരെ പ്രതിപക്ഷവും സുപ്രിംകോടതിയില് നിയമപോരാട്ടം നടത്തി. കോണ്ഗ്രസ് നേതാവ് രമേശ് ചെന്നിത്തല ശക്തമായി ഇതിനെ എതിര്ത്തിരുന്നു.
