ഹദ് ഫാസിലിനെ ടൈറ്റില് കഥാപാത്രമാക്കി മഹേഷ് നാരായണന് സംവിധാനം ചെയ്ത ‘മാലികി’ന്റെ സ്ട്രീമിംഗ് ആമസോണ് പ്രൈം ആരംഭിച്ചു. 15/07/2021 വ്യാഴാഴ്ച രാത്രി 10 മണിക്കു ശേഷമാണ് ചിത്രം റിലീസ് ചെയ്യപ്പെട്ടത്. 2 മണിക്കൂര് 41 മിനിറ്റ് (161 മിനിറ്റ്) ആണ് ചിത്രത്തിന്റെ ദൈര്ഘ്യം.
ആന്റോ ജോസഫ് ആണ് മാലിക്കിന്റെ നിര്മ്മാതാവ്. തിരക്കഥ, സംവിധാനം, എഡിറ്റിംഗ് മഹേഷ് നാരായണന്. സാനു ജോണ് വര്ഗീസ് ആണ് ഛായാഗ്രാഹകന്. സംഗീതം സുഷിന് ശ്യാം. നൃത്തസംവിധാനം ഷോബി പോള്രാജ്. ചീഫ് അസോസിയേറ്റ് ഡയറക്ടര് സജിമോന് വി പി. ഫഹദ് ഫാസിലിനൊപ്പം നിമിഷ സജയന്, വിനയ് ഫോര്ട്ട്, ജലജ, ജോജു ജോര്ജ്, ദിലീഷ് പോത്തന്, ഇന്ദ്രന്സ്, സലിം കുമാര്, ദേവകി രാജേന്ദ്രന്, ദിവ്യ പ്രഭ തുടങ്ങി വലിയ താരനിര അണിനിരക്കുന്ന ചിത്രമാണിത്.
‘ദൃശ്യം 2’നും ‘ജോജി’ക്കും ശേഷം മലയാളത്തില് നിന്ന് ഏറ്റവും കാത്തിരിപ്പുയര്ത്തിയ ഡയറക്റ്റ് ഒടിടി റിലീസ് ആണ് മാലിക്. ചിത്രത്തിലെ കഥാപാത്രത്തിനുവേണ്ടി ഫഹദ് 15 കിലോ ശരീരഭാരം കുറച്ചിരുന്നു. 2019 സെപ്റ്റംബറില് ചിത്രീകരണം ആരംഭിച്ച സിനിമയാണിത്. തിയറ്റര് റിലീസിനാണ് പദ്ധതി ഇട്ടിരുന്നെങ്കിലും കൊവിഡ് പ്രതിസന്ധി സൃഷ്ടിച്ച അനിശ്ചിതത്വം കാരണം ചിത്രം ഡിജിറ്റല് റിലീസ് ചെയ്യാന് തീരുമാനിക്കുകയായിരുന്നു. 27 കോടിയോളം രൂപയാണ് ചിത്രത്തിന്റെ മുതല് മുടക്ക്.
