മോസ്കോ: റഷ്യൻ യാത്രാ വിമാനം കാണാനില്ലെന്ന് റിപ്പോര്ട്ട്. 28 യാത്രക്കാരുമായി പുറപ്പെട്ട വിമാനമാണ് 06/07/21 ചൊവ്വാഴ്ച കാണാതായത്.
വിമാനവുമായുള്ള ആശയവിനിമയം നഷ്ടപ്പെട്ടതായി അധികൃതരെ ഉദ്ധരിച്ച് വിവിധ ന്യൂസ് ഏജന്സികള് റിപ്പോര്ട്ട് ചെയ്യുന്നു.
കിഴക്കന് റഷ്യയില് പെട്രോപാവ്ലോവ്സ്ക്-കാംചാറ്റ്സ്കിയില് നിന്ന് പലാനയിലേക്ക് പുറപ്പെട്ട എഎന്-26 യാത്രവിമാനമാണ് കാണാതായത്. യാത്രാവിമാനവുമായുള്ള ആശയവിനിമയം നഷ്ടപ്പെട്ടതായാണ് റിപ്പോര്ട്ടുകള്. യാത്രക്കാരില് കുട്ടികളും ഉള്പ്പെടുന്നു. വിമാനം കടലില് പതിച്ചതാവാമെന്നാണ് ടാസ് ഏജന്സി റിപ്പോര്ട്ട് ചെയ്യുന്നത്. പലാനയ്ക്ക് സമീപമുള്ള കല്ക്കരി ഖനിയില് തകര്ന്നുവീണതാകാമെന്ന റിപ്പോര്ട്ടുകളും പുറത്തുവരുന്നുണ്ട്.
