ന്യൂഡൽഹി, 2026 സെപ്റ്റംബർ 10 –
ഇന്ത്യയുടെ അടുത്ത വ്യവസായ വളർച്ചയ്ക്ക് ആറ് മേഖലകൾ കരുത്താകുമെന്ന് ആഗോള ഇൻവെസ്റ്റ്മെന്റ് ബാങ്കായ ജെഫറീസ്. ബഹിരാകാശം, സെമികണ്ടക്ടർ, ഡാറ്റാ സെന്റർ, ഇലക്ട്രോണിക്സ്, സോളാർ, എയ്റോസ്പേസ് മേഖലകളെയാണ് റിപ്പോർട്ട് ചൂണ്ടിക്കാട്ടുന്നത്. വലിയ ആഭ്യന്തര വിപണി, സ്വകാര്യ കമ്പനികളുടെ വർധിച്ച പങ്കാളിത്തം, സർക്കാരിന്റെ നയപിന്തുണ എന്നിവ ചേർന്ന് രാജ്യത്ത് പുതിയ വ്യവസായ വളർച്ചയ്ക്ക് വഴിയൊരുക്കുന്നുവെന്നാണ് വിലയിരുത്തൽ.
ബഹിരാകാശ മേഖലയിൽ അഞ്ചിരട്ടി വളർച്ച
ഇന്ത്യയുടെ ബഹിരാകാശ സമ്പദ്വ്യവസ്ഥ 2030ഓടെ ഏകദേശം അഞ്ചിരട്ടി വളർന്ന് 40 മുതൽ 45 ബില്യൺ ഡോളർ വരെയാകുമെന്നാണ് പ്രതീക്ഷ. സ്കൈറൂട്ട്, പിക്സൽ, അഗ്നികുൽ തുടങ്ങിയ സ്വകാര്യ കമ്പനികൾ വാണിജ്യ പ്രവർത്തനങ്ങളിലേക്ക് നീങ്ങുന്നതും റിപ്പോർട്ട് ചൂണ്ടിക്കാട്ടുന്നു. സെമികണ്ടക്ടർ മേഖലയിൽ ഏകദേശം 20 ബില്യൺ ഡോളറിന്റെ നിക്ഷേപമാണ് നിലവിലുള്ളത്. ഇതിന് പുറമെ ഏകദേശം 13 ബില്യൺ ഡോളറിന്റെ പുതിയ പ്രോത്സാഹന പദ്ധതിയും പ്രതീക്ഷിക്കുന്നു.
ഡാറ്റാ സെന്റർ ശേഷി അഞ്ചിരട്ടിയാകും
ഇന്ത്യയിലെ ഡാറ്റാ സെന്റർ ശേഷി കഴിഞ്ഞ അഞ്ച് വർഷത്തിനിടെ അഞ്ചിരട്ടി ഉയർന്ന് ഏകദേശം 2 ജിഗാവാട്ടിലെത്തി. അടുത്ത അഞ്ച് വർഷത്തിൽ ഇത് 10 ജിഗാവാട്ടിലേക്ക് ഉയരുമെന്നാണ് ജെഫറീസിന്റെ കണക്കുകൂട്ടൽ. വൈദ്യുതി, കൂളിങ്, നിർമാണം, നെറ്റ്വർക്ക് തുടങ്ങിയ മേഖലകളിലായി 45 ബില്യൺ ഡോളറിന്റെ നിക്ഷേപ അവസരവും ഇതിലൂടെ ഉണ്ടാകാം.
ഇലക്ട്രോണിക്സിലും സോളാറിലും വലിയ മാറ്റം
ഇലക്ട്രോണിക്സ് മേഖലയിൽ അസംബ്ലിയിൽ മാത്രം ഒതുങ്ങാതെ ഘടകങ്ങളുടെ ആഭ്യന്തര ഉൽപ്പാദനം വർധിപ്പിക്കുന്ന ഘട്ടത്തിലേക്കാണ് ഇന്ത്യ നീങ്ങുന്നത്. മൊബൈൽ ഘടകങ്ങളിലെ ആഭ്യന്തര മൂല്യവർധന ആറുവർഷത്തിനുള്ളിൽ 20 ശതമാനത്തിൽ താഴെയുള്ള നിലവാരത്തിൽ നിന്ന് ഏകദേശം 50 ശതമാനത്തിലേക്ക് ഉയരുമെന്നാണ് പ്രതീക്ഷ. ഇന്ത്യ ഇപ്പോൾ ലോകത്തെ രണ്ടാമത്തെ വലിയ സോളാർ പി.വി നിർമാതാവാണെന്നും 2030ഓടെ സോളാർ ഉൽപ്പാദന ശൃംഖലയുടെ 90 ശതമാനത്തോളം രാജ്യത്തിനകത്താക്കാനാകുമെന്നും റിപ്പോർട്ട് പറയുന്നു.
എയ്റോസ്പേസിലും ഇന്ത്യയ്ക്ക് അവസരം
ആഗോള എയ്റോസ്പേസ് മേഖലയിലെ ആവശ്യവും വിതരണവും തമ്മിലുള്ള വിടവ് ഇന്ത്യയ്ക്ക് പുതിയ അവസരമാകുമെന്നും ജെഫറീസ് പറയുന്നു. ബോയിങ്ങും എയർബസും ഇന്ത്യയിൽ നിന്ന് പ്രതിവർഷം 1.4 മുതൽ 1.6 ബില്യൺ ഡോളർ വരെ മൂല്യമുള്ള ഉൽപ്പന്നങ്ങൾ വാങ്ങുന്നുണ്ട്. കുറഞ്ഞ നിർമാണച്ചെലവും എൻജിനീയറിങ് വൈദഗ്ധ്യവും ഇന്ത്യയ്ക്ക് നേട്ടമാകുമെന്നാണ് വിലയിരുത്തൽ.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
