ഗാന്ധിനഗർ, 2026 ജൂൺ 28
കേന്ദ്ര ആഭ്യന്തര മന്ത്രിയും സഹകരണ മന്ത്രിയുമായ അമിത് ഷാ ഇന്ന് ഗുജറാത്തിലെ ഗാന്ധിനഗറിൽ ‘പി എം ഫാമിലി കെയർ ട്രാക്കർ’ പരീക്ഷണ പദ്ധതി ഉദ്ഘാടനം ചെയ്തു. ചടങ്ങിൽ അദ്ദേഹം കുട്ടികൾക്ക് പോളിയോ തുള്ളിമരുന്നും നൽകി. ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ, കേന്ദ്ര ആഭ്യന്തര സെക്രട്ടറി ഗോവിന്ദ് മോഹൻ തുടങ്ങിയവരും ചടങ്ങിൽ പങ്കെടുത്തു.
ജനന, മരണ രജിസ്ട്രേഷൻ വിവരങ്ങളുമായി ഈ സംവിധാനം ബന്ധിപ്പിക്കുമെന്ന് അമിത് ഷാ പറഞ്ഞു. അതുവഴി ഓരോ കുട്ടിക്കും തനതായ തിരിച്ചറിയൽ നമ്പർ നൽകും. സർക്കാർ പദ്ധതികളുടെ ആനുകൂല്യങ്ങൾ അർഹരിലേക്ക് സ്വയമേവയും സമയബന്ധിതമായും എത്തിക്കാൻ ഇതിലൂടെ സഹായിക്കുമെന്നാണ് അറിയിച്ചത്. അർഹരായവരെ കണ്ടെത്തൽ, സർക്കാർ ഇടപെടൽ, ക്ഷേമപദ്ധതികളുടെ ഫലപ്രദമായ വിതരണം എന്നീ പ്രധാന വെല്ലുവിളികൾ പരിഹരിക്കാനാണ് ഈ സംവിധാനം ഒരുക്കുന്നത്.
പ്രധാനമന്ത്രി നരേന്ദ്ര മോദി ദീർഘകാല നയങ്ങൾ രൂപപ്പെടുത്തി, അവ തുടർച്ചയായി നിരീക്ഷിച്ച്, നിലത്തുതന്നെ ഫലപ്രദമായി നടപ്പാക്കിയതായി അമിത് ഷാ പറഞ്ഞു. പാവപ്പെട്ടവരുടെ ജീവിതനിലവാരം ഉയർത്താൻ വീടുകൾ, വൈദ്യുതി, കുടിവെള്ളം, ശൗചാലയങ്ങൾ, ഗ്യാസ് സിലിണ്ടറുകൾ, സൗജന്യ ഭക്ഷ്യധാന്യം, അഞ്ചു ലക്ഷം രൂപ വരെ സൗജന്യ ചികിത്സ, കുറഞ്ഞ വിലയിലെ മരുന്നുകൾ തുടങ്ങിയ നിരവധി നടപടികൾ സ്വീകരിച്ചതായും അദ്ദേഹം പറഞ്ഞു. ആരോഗ്യ മേഖലയിലെ വിവിധ നടപടികൾ നിരീക്ഷിക്കാനും ‘പി എം ഫാമിലി കെയർ ട്രാക്കർ’ സഹായിക്കുമെന്ന് അദ്ദേഹം വ്യക്തമാക്കി.
