ലോകകപ്പ് ആവേശത്തിൽ കണ്ണൂരിൽ ‘ഫാൻ കപ്പ്’; കളക്ടർ ഇലവനും കമ്മീഷണർ ഇലവനും നേർക്കുനേർ

കണ്ണൂർ, 2026 ജൂൺ 14 –

ലോകകപ്പ് ഫുട്ബോൾ ആവേശത്തെ വരവേൽക്കാനും ജില്ലയിൽ കായിക സംസ്കാരം പ്രോത്സാഹിപ്പിക്കാനും ലക്ഷ്യമിട്ട് കണ്ണൂരിൽ ‘ഫാൻ കപ്പ്’ ഫുട്ബോൾ മത്സരം സംഘടിപ്പിക്കുന്നു. കണ്ണൂർ ജില്ലാ സ്പോർട്സ് കൗൺസിൽ, ജില്ലാ ഫുട്ബോൾ അസോസിയേഷൻ, കണ്ണൂർ പ്രസ് ക്ലബ് എന്നിവയുടെ സംയുക്താഭിമുഖ്യത്തിലാണ് പരിപാടി. ജില്ലാ ഭരണകൂടവും സിറ്റി പോലീസ് വിഭാഗവും തമ്മിലുള്ള സൗഹൃദ മത്സരത്തിൽ കളക്ടർ ഇലവനും കമ്മീഷണർ ഇലവനും ഏറ്റുമുട്ടും.

ചൊവ്വാഴ്ച ജൂൺ 16ന് വൈകിട്ട് നാല് മണിക്ക് കണ്ണൂർ പോലീസ് ഫുട്ബോൾ ടർഫിലാണ് മത്സരം നടക്കുക. കണ്ണൂർ ജില്ലാ കളക്ടർ പി. വിഷ്ണു രാജിന്റെ നേതൃത്വത്തിലുള്ള കളക്ടർ ഇലവനും സിറ്റി പോലീസ് കമ്മീഷണർ പി. നിതിൻ രാജിന്റെ നേതൃത്വത്തിലുള്ള കമ്മീഷണർ ഇലവനും തമ്മിലാണ് മത്സരം.

ജില്ലയിലെ ജനപ്രതിനിധികളും കായിക-സാംസ്കാരിക രംഗത്തെ പ്രമുഖരും പരിപാടിയുടെ ഭാഗമാകും. കെ.വി. സുമേഷ് എം.എൽ.എ, എം. വിജിൻ എം.എൽ.എ, വി.കെ. സനോജ് എം.എൽ.എ, ടി.ഒ. മോഹനൻ എം.എൽ.എ, ജില്ലാ പഞ്ചായത്ത് പ്രസിഡന്റ് ബിനോയ് കുര്യൻ, ഡെപ്യൂട്ടി മേയർ കെ.പി. താഹിർ എന്നിവർക്കൊപ്പം മുൻ ഫുട്ബോൾ താരങ്ങളായ C. K. Vineeth, Bineesh Kiran, നടൻ Santhosh Keezhattoor എന്നിവരും പങ്കെടുക്കും.