തിരുവനന്തപുരം | മേയ് 29
ഇഡി ഉദ്യോഗസ്ഥരെ ആക്രമിച്ച കേസിൽ അറസ്റ്റിലായ സിപിഎം പ്രവർത്തകരെ കോടതി റിമാൻഡ് ചെയ്തു. പാലയം ലോക്കൽ കമ്മിറ്റി സെക്രട്ടറിയും മുൻ കൗൺസിലറുമായ ഐ പി ബിനു ഉൾപ്പെടെ 11 പേരെയാണ് വെള്ളിയാഴ്ച റിമാൻഡ് ചെയ്തത്.
ഇതോടെ കേസിൽ റിമാൻഡിലായവരുടെ എണ്ണം 18 ആയി. പ്രതികൾ കല്ലും ആയുധങ്ങളും ഉപയോഗിച്ച് ഇഡി ഉദ്യോഗസ്ഥരെ ആക്രമിച്ചെന്നും കൊല്ലാൻ ശ്രമിച്ചെന്നുമാണ് പൊലീസ് കോടതിയെ അറിയിച്ചത്.
കേസിലെ മുഖ്യപ്രതിയായ ദിനകരനെയും പൊലീസ് അറസ്റ്റ് ചെയ്തു. വട്ടിയൂർക്കാവ് സ്വദേശിയായ ദിനകർ ഇഡി ഉദ്യോഗസ്ഥരുടെ വാഹനം പുറത്തേക്ക് ഇറങ്ങിയപ്പോൾ കൈകൊണ്ടും കമ്പുകൊണ്ടും ആക്രമണം നടത്തിയെന്നാണ് ആരോപണം.
വട്ടിയൂർക്കാവ് പൊലീസ് സ്റ്റേഷനിലെ റൗഡി പട്ടികയിൽ ഉൾപ്പെട്ട ആളാണ് ദിനകരൻ എന്നും പൊലീസ് കോടതിയെ അറിയിച്ചു. പ്രതികൾക്ക് ക്രിമിനൽ പശ്ചാത്തലമുണ്ടെന്നും അന്വേഷണസംഘം കോടതിയിൽ വ്യക്തമാക്കി.
ഇഡി ഉദ്യോഗസ്ഥർക്കെതിരായ ആക്രമണം വലിയ രാഷ്ട്രീയ വിവാദമായ സാഹചര്യത്തിലാണ് നടപടി ശക്തമാക്കിയത്. സംഭവത്തിൽ കൂടുതൽ അറസ്റ്റുകൾ ഉണ്ടാകാനും സാധ്യതയുണ്ട്.
