ചെന്നൈ | തമിഴ്നാട്ടില് കുപ്രസിദ്ധ ഗുണ്ട അഴകുരാജ പൊലീസുമായുള്ള ഏറ്റുമുട്ടലില് കൊല്ലപ്പെട്ടു. .തലയ്ക്ക് വെടിയേറ്റാണ് ഇയാള് കൊല്ലപ്പെട്ടത്. പെരമ്പലൂര് ജില്ലയിലെ തിരുമാന്തുറൈ വനമേഖലയ്ക്ക് സമീപമായിരുന്നു ഏറ്റുമുട്ടല് .പോലീസിന് നേരെ ആക്രമണം നടത്തിയ അഴകുരാജയെ കീഴടങ്ങാന് ആവശ്യപ്പെട്ടെങ്കിലും ഇയാള് തയ്യാറായില്ല. ആക്രമണത്തില് ഒരു പോലീസ് ഉദ്യോഗസ്ഥന് പരുക്കേറ്റു. ഇയാള്ക്കെതിരെ മുപ്പതിലധികം കേസുകളുണ്ട് .
പോലീസിനെ വെട്ടുകത്തി ഉപയോഗിച്ച് ആക്രമിക്കാന് ശ്രമിച്ചതിനെ തുടര്ന്ന് സ്വയരക്ഷയ്ക്കായി വെടിവെക്കുകയായിരുന്നുവെന്ന് പോലീസ്
ഊട്ടിയില് ഒളിവില് കഴിഞ്ഞിരുന്ന അഴക് രാജ ഉള്പ്പെടെ ഏഴ് പ്രതികളെ മംഗലമേട് ഇന്സ്പെക്ടര് നന്ദകുമാറിന്റെ നേതൃത്വത്തിലുള്ള പോലീസ് സംഘമാണ് ജനുവരി 27ന് അറസ്റ്റ് ചെയ്തത്. പിന്നീട് വനമേഖലയില് കൊണ്ടുപോയി ഒളിപ്പിച്ച ആയുധങ്ങളും സ്ഫോടകവസ്തുക്കളും കണ്ടെടുത്തു.ഇതിനിടെ പോലീസിനെ വെട്ടുകത്തി ഉപയോഗിച്ച് ആക്രമിക്കാന് ശ്രമിച്ചതിനെ തുടര്ന്ന് സ്വയരക്ഷയ്ക്കായി വെടിവെക്കുക യായിരുന്നുവെന്ന് പോലീസ് പറയുന്നു. അഴകുരാജയുടെ പേരില് കൊലപാതകം, വധശ്രമം, ക്വട്ടേഷന് ആക്രമണങ്ങള് തുടങ്ങി മുപ്പതിലധികം കേസുകള് നിലവിലുണ്ട്. .
