ഉഭയകക്ഷി സമ്മതപ്രകാരമുള്ള ബന്ധമാണ് യുവതിയുമായി ഉണ്ടായിട്ടുള്ളതെന്ന് രാഹുല്
പത്തനംതിട്ട: മൂന്നാം പീഡനക്കേസിൽ അറസ്റ്റിലായ രാഹുല് മാങ്കൂട്ടത്തില് എംഎല്എയുടെ മൊഴിയുടെ വിശദാംശങ്ങള് പുറത്ത്. യുവതിയുമായുള്ള ബന്ധം രാഹുല് നിഷേധിച്ചിട്ടില്ല. എങ്കിലും നടന്നത് പീഡനമല്ലെന്നാണ് രാഹുലിന്റെ വാദം. ഉഭയകക്ഷി സമ്മതപ്രകാരമുള്ള ബന്ധമാണ് യുവതിയുമായി ഉണ്ടായിട്ടുള്ളതെന്നും രാഹുല് പ്രത്യേക അന്വേഷണസംഘത്തിന് മൊഴി നല്കി. പത്തനംതിട്ട എആര് ക്യാമ്പിൽ വച്ചുനടന്ന ചോദ്യം ചെയ്യലിലാണ് രാഹുലിന്റെ മൊഴി.
നിര്ബന്ധിത ഗര്ഭഛിദ്രവും സാമ്പത്തിക ചൂഷണവും
മൂന്നാം പരാതിയില് ബലാത്സംഗത്തിന് പുറമേ നിര്ബന്ധിത ഗര്ഭഛിദ്രവും സാമ്പത്തിക ചൂഷണവും ഉള്പ്പെടെയുള്ള ആരോപണങ്ങളാണുള്ളത്. മൂന്ന് ആരോപണങ്ങളേയും സാധൂകരിക്കുന്ന ശക്തമായ തെളിവുകളും പരാതിക്കാരി പ്രത്യേക അന്വേഷണസംഘത്തിന് കൈമാറി.താന് ചതിക്കപ്പെട്ടുവെന്ന് തോന്നിത്തുടങ്ങിയ ഘട്ടത്തിലാണ് തെളിവുകള് ശേഖരിച്ച് തുടങ്ങിയതെന്നാണ് പരാതിക്കാരിയുടെ മൊഴി.
