തിരുവനന്തപുരം | കേന്ദ്ര ആഭ്യന്തര മന്ത്രി അമിത് ഷാ തിരുവനന്തപുരത്ത് എത്തി. ജനുവരി 10 ശനിയാഴ്ച രാത്രി പ്രത്യേക വിമാനത്തിലാണ് അദ്ദേഹം തിരുവനന്തപുരം വിമാനത്താവളത്തില് ഇറങ്ങിയത്. 11ന് പത്മനാഭസ്വാമി ക്ഷേത്രത്തില് സന്ദര്ശനം നടത്തും. തുടര്ന്നു തദ്ദേശ സ്വയംഭരണ സ്ഥാപനങ്ങളിലെ പുതിയ ബിജെപി പ്രതിനിധികളുമായി കൂടിക്കാഴ്ച നടത്തും.
നിയമസഭാ സ്ഥാനാര്ഥി നിര്ണയം സംബന്ധിച്ച കാര്യങ്ങള് യോഗത്തില് ചര്ച്ച ചെയ്യും
ഉച്ചകഴിഞ്ഞ് ബിജെപിയുടെ കോര് കമ്മിറ്റി യോഗത്തിലും അമിത് ഷാ പങ്കെടുക്കും. വൈകീട്ട് തിരുവനന്തപുരത്ത് എന്ഡിഎ നേതാക്കളുമായി കൂടിക്കാഴ്ച നടത്തും. രാജീവ് ചന്ദ്രശേഖര്, വി മുരളീധരന്, കെ സുരേന്ദ്രന്, ശോഭാ സുരേന്ദ്രന് തുടങ്ങിയ നേതാക്കള് ഈ യോഗങ്ങളില് പങ്കെടുക്കും. നിയമസഭാ സ്ഥാനാര്ഥി നിര്ണയം സംബന്ധിച്ച കാര്യങ്ങള് യോഗത്തില് ചര്ച്ച ചെയ്യും. എന്ഡിഎ നേതാക്കളുമായുള്ള യോഗത്തില് സീറ്റ് വിഭജനം സംബന്ധിച്ച ചര്ച്ചകളും നടക്കും.
ഏഴ് മണിയോടെ അദ്ദേഹം ഡല്ഹിയിലേക്ക് മടങ്ങും
വൈകീട്ട് ഏഴ് മണിയോടെ അദ്ദേഹം ഡല്ഹിയിലേക്ക് മടങ്ങും.എന്ഡിഎയുടെ തിരഞ്ഞെടുപ്പ് പ്രചാരണ പ്രവര്ത്തനങ്ങള്ക്ക് ഔദ്യോഗികമായി തുടക്കമിടാനാണ് അമിത് ഷാ കേരളത്തിലെത്തുന്നതെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖരന് കഴിഞ്ഞ ദിവസം വ്യക്തമാക്കിയിരുന്നു..
