തിരുവനന്തപുരം: വർക്കലയിൽ ട്രെയിനില് നിന്ന് അക്രമി ചവിട്ടിതള്ളിയിട്ട ശ്രീക്കുട്ടിയുടെ ആരോഗ്യനില മാറ്റമില്ലാതെ തുടരുന്നതായി മെഡിക്കല് കോളേജ് ആശുപത്രി അധികൃതര്. നിലവിൽ ക്രിട്ടിക്കല് കെയര് ഐസിയുവില് വെന്റിലേറ്ററിലാണ് ശ്രീക്കുട്ടി.
പ്രതീക്ഷ പങ്കുവച്ച് ഡോക്ടര്മാർ
അതേസമയം ആരോഗ്യനില കൂടുതല് വഷളാകാത്തതിനാല് ഡോക്ടര്മാര് പ്രതീക്ഷ പങ്കുവയ്ക്കുന്നുണ്ട്. രണ്ട് ദിവസം ഇതേ സ്ഥിതി തുടര്ന്നാല് പതിയെ മെച്ചപ്പെടുമെന്നും ആശുപത്രി അധികൃതർ വ്യക്തമാക്കി. അബോധാവസ്ഥയിലാണെങ്കിലും ഇടയ്ക്ക് കൈകാലുകള് അനക്കാന് ശ്രമിച്ചു. വീഴ്ചയുടെ ആഘാതത്തില് തലച്ചോറ് ഇളകി മറിഞ്ഞുള്ള ആക്സോണല് ഇന്ജുറിയുണ്ടായെന്നാണ് ഡോക്ടര്മാര് വിലയിരുത്തുന്നത്
