കൊണ്ടോട്ടി: കരിപ്പൂര് വിമാനത്താവളത്തില് വന് ലഹരിവേട്ട. ഒരു കിലോ എംഡിഎംഎയുമായി യാത്രക്കാരന് പിടിയിലായി. ഒമാനില് നിന്നെത്തിയ തൃശ്ശൂര് കൊരട്ടി സ്വദേശി എ. ലിജീഷില്നിന്നാണ് ലക്ഷങ്ങള് വിലമതിക്കുന്ന മയക്കുമരുന്ന് പിടികൂടിയത്. വിമാനത്താവളത്തിന് പുറത്തുവെച്ചായിരുന്നു പോലീസ് ഇയാളെ പിടികൂടിയത്. കാര്ഡ് ബോര്ഡ് പെട്ടിയില് 21 പാക്കറ്റുകളിലാക്കി മറ്റു വസ്തുക്കള്ക്കിടയില് ഒളിപ്പിച്ച് കടത്തുകയായിരുന്നു.
ഡാന്സാഫ് സംഘവും പോലീസും സംയുക്തമായി നടത്തിയ പരിശോധനയിലാണ് ലഹരി വസ്തുക്കൾ കണ്ടെത്തിയത്.
ദിവസങ്ങള്ക്ക് മുമ്പ് മാത്രമാണ് ഇയാള് വിദേശത്തേക്ക് പോയതെന്നാണ് പോലീസ് പറയുന്നത്. മലപ്പുറം ഡാന്സാഫ് സംഘവും കരിപ്പൂര് പോലീസും സംയുക്തമായിട്ടാണ് പരിശോധന നടത്തിയത്. ആര്ക്കുവേണ്ടിയാണ് ഇത് എത്തിച്ചത് എന്നതടക്കമുള്ള കാര്യങ്ങള് പോലീസ് അന്വേഷിച്ചുവരികയാണ്
