തിരുവനന്തപുരം | രാഹുല് മാങ്കൂട്ടത്തിലിനെതിരെ പാര്ട്ടി സ്വീകരിച്ച അച്ചടക്ക നടപടികള് സുചിന്തിതമാണെന്ന നിലപാടില് പ്രതിപക്ഷനേതാവ് വി ഡി സതീശന് ഉറച്ചു നില്ക്കെ, രാഹുലിനെ ന്യായീകരിച്ച് കോണ്ഗ്രസ് മുഖപത്രം. പീഡന പരാതികള് ആസൂത്രിതമായ ഗൂഢാലോചനയാണെന്നും പരാതിക്കാര്ക്ക് സി പി എം ബന്ധമുണ്ടെന്നുമാണ് വീക്ഷണം പത്രത്തില് വന്ന ലേഖനത്തില് പറയുന്നത്.
വെളിച്ചം വിളക്ക് അന്വേഷിക്കുമ്പോള് എന്നതാണ് ലേഖനം
ഇരകളുടെ മൊഴിയില് നിന്ന് പരസ്പര സമ്മതത്തോടെയാണ് ലൈംഗിക ബന്ധം നടന്നതെന്ന് വ്യക്തമാണെന്നും സ്ത്രീ സമ്മതിക്കാതെ ഒരു ഗര്ഭഛിദ്രവും നടക്കില്ലെന്നും ലേഖനം പറയുന്നു. ഗര്ഭഛിദ്രം ഒരാളുടെ മാത്രം തീരുമാനമല്ല. ആവശ്യമില്ലാത്ത ഗര്ഭം കലക്കിയത് ആ സ്ത്രീയുടെ കൂടി തീരുമാനം ആയിരുന്നു. സി പി എം നാറ്റിച്ചാല് തകരുന്നവരല്ല കോണ്ഗ്രസിലെ യുവനേതാക്കളെന്നും ലേഖനത്തില് ലേഖനത്തില് വിശദമാക്കുന്നു. എല്ലാത്തിനും നിന്നുകൊടുത്തിട്ട് പിന്നീട് പരാതിയുമായി വരുന്നത് ശരിയായ ഉദ്ദേശ്യത്തോടെയല്ലെന്നും വെളിച്ചം വിളക്ക് അന്വേഷിക്കുമ്പോള് എന്ന ലേഖനത്തില് പറയുന്നു
