തിരുവനന്തപുരം: യൂത്ത് കോണ്ഗ്രസ് ചൊവ്വന്നൂര് മണ്ഡലം പ്രസിഡന്റ് സുജിത്തിനെ ക്രൂരമായി മര്ദ്ദിച്ച പൊലീസുകാരെ സര്വീസില്നിന്ന് പുറത്താക്കണമെന്ന് ആവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്കി. ഉദ്യോഗസ്ഥർക്കെതിരേ ക്രിമിനല് കേസെടുക്കുന്നത് ഉള്പ്പെടെയുള്ള നടപടികള് അടിയന്തിരമായി സ്വീകരിക്കണമെന്നും കത്തിൽ ആവശ്യപ്പെടുന്നു.
. പ്രതികളെ രക്ഷിക്കാന് മുകളില്നിന്ന് ശ്രമമുണ്ടായി
പ്രതികളെ രക്ഷിക്കുന്ന നടപടിയാണ് പോലീസിന്റെ ഭാഗത്തുനിന്ന് തുടക്കംമുതല് ഉണ്ടായത്. മര്ദ്ദനത്തിന് നേതൃത്വം നല്കിയ അഞ്ച് ഉദ്യോഗസ്ഥര് പ്രതിപട്ടികയില്പ്പോലുമില്ല. പ്രതികളെ രക്ഷിക്കാന് മുകളില്നിന്ന് ശ്രമമുണ്ടായി. ക്രൈം ഡിറ്റാച്ച്മെന്റ് എ.സി.പിയുടെ റിപ്പോര്ട്ട് പൂഴ്ത്തിയാണ് പ്രതികളെ സംരക്ഷിച്ചതെന്നും കത്തിൽ പറയുന്നു.
