കോഴിക്കോട് | യമന് ജയിലില് കഴിയുന്ന മലയാളി നഴ്സ് നിമിഷപ്രിയയുടെ വധശിക്ഷ റദ്ദാക്കാന് ധാരണ. നേരത്തേ നീട്ടിവെച്ച വധശിക്ഷയാണ് റദ്ദാക്കാന് യമനില് കഴിഞ്ഞ ദിവസം ചേര്ന്ന ഉന്നതതല യോഗം തീരുമാനമെടുത്തത്. ഇന്ത്യന് ഗ്രാന്ഡ് മുഫ്തി കാന്തപുരം എ പി അബൂബക്കര് മുസ്ലിയാരുടെ അഭ്യര്ഥന പ്രകാരം യമനിലെ പ്രമുഖ പണ്ഡിതന് ശൈഖ് ഹബീബ് ഉമര് നിയോഗിച്ച പണ്ഡിത സംഘത്തിനു പുറമെ നോര്ത്തേണ് യമനിലെ ഭരണാധികാരികളും അന്താരാഷ്ട്ര നയതന്ത്ര ഉദ്യോഗസ്ഥരും നിര്ണായക ചര്ച്ചയില് പങ്കെടുത്തു.
മറ്റു കാര്യങ്ങള് കൊല്ലപ്പെട്ട തലാലിന്റെ കുടുംബവുമായുള്ള തുടര് ചര്ച്ചകളിലൂടെ തീരുമാനിക്കും.
നിമിഷപ്രിയയുടെ മോചനവുമായി ബന്ധപ്പെട്ട മറ്റു കാര്യങ്ങള് കൊല്ലപ്പെട്ട തലാലിന്റെ കുടുംബവുമായുള്ള തുടര് ചര്ച്ചകളിലൂടെ തീരുമാനിക്കും. 2017 മുതല് യമനിലെ സന്ആ ജയിലില് കഴിയുന്ന നിമിഷപ്രിയയുടെ വധശിക്ഷ ജൂലൈ 16ന് നടപ്പാക്കാനായിരുന്നു തീരുമാനം. ശിക്ഷ പ്രാബല്യത്തില് വരാന് മണിക്കൂറുകള് മാത്രം അവശേഷിക്കെ കാന്തപുരം എ പി അബൂബക്കര് മുസ്ലിയാരുടെ ഇടപെടലിലൂടെയാണ് വധശിക്ഷ നീട്ടിയത്.അതേസമയം കേന്ദ്ര വിദേശകാര്യമന്ത്രാലയം ഈ വാര്ത്ത സ്ഥിരീകരിച്ചിട്ടില്ല.
