തിരുവനന്തപുരം | ഈത്തപ്പഴ പെട്ടിക്കുള്ളില് ഒളിപ്പിച്ചു കടത്തിയ ഒന്നേ കാല് കിലോ എം ഡി എം എയുമായി നാലുപേര് തിരുവനന്തപുരം കല്ലമ്പലത്ത് പോലീസ് പിടിയിലായി. . ഈന്തപ്പഴത്തിന്റെ പെട്ടിക്കുള്ളില് കറുത്ത കവറില് ആക്കി വിദേശത്ത് നിന്ന് കടത്തിക്കൊണ്ടുവന്ന നാല് കോടിക്ക് മുകളില് വില വരുന്ന സിന്തറ്റിക് മയക്കുമരുന്നാണ് പിടികൂടിയത്. സംഭവത്തില് വര്ക്കല സ്വദേശി സഞ്ജു, വലിയവിള സ്വദേശി നന്ദു, ഉണ്ണിക്കണ്ണന്, പ്രമീണ്എന്നിവരാണ് പിടിയിലായത്.
എം ഡി എം എ ഈത്തപ്പഴ പെട്ടിക്കുള്ളിലാക്കി കടത്താന് ശ്രമിക്കവെയാണ് പിടിയിലായത്
മയക്കു മരുന്ന് മാഫിയയുടെ ഇടയില് ഡോണ് എന്ന് അറിയപ്പെടുന്ന ആളാണ് സഞ്ജു. ഇയാളുടെ നേതൃത്വത്തില് രാസലഹരി വ്യാപനം നടത്തുന്ന സംഘത്തെക്കുറിച്ച് പോലീസിന് കൃത്യമായ വിവരം ലഭിച്ചിട്ടുണ്ട്. ജൂലൈ 9 ന് രാത്രി വിദേശത്ത് നിന്ന് വന്ന പ്രതികള് വിമാനത്താവളത്തില് നിന്ന് ഇന്നോവ കാറില് മറ്റൊരു സ്ഥലത്തേക്ക് പോവുകയായിരുന്നു..പിന്നാലെ മറ്റൊരു പിക്കപ്പ് വാനില് ഇവര് എം ഡി എം എ ഈത്തപ്പഴ പെട്ടിക്കുള്ളിലാക്കി കടത്താന് ശ്രമിക്കവെയാണ് പിടിയിലായത്. കുറച്ച് ദിവസങ്ങളായി റൂറല് ഡാന്സാഫ് സംഘത്തിന്റെ നിരീക്ഷണത്തിലായിരുന്നു പ്രതികള്. .
