തിരുവനന്തപുരം | ജൂലൈ 9 ബുധനാഴ്ച നടക്കുന്ന ദേശീയ പണിമുടക്കിനെ നേരിടാനായി ഡയസ്നോണ് പ്രഖ്യാപിച്ച് സംസ്ഥാന സര്ക്കാര്. ജീവനക്കാര്. ജോലിക്ക് എത്തിയില്ലെങ്കില് ശമ്പളം ലഭിക്കില്ല. പണിമുടക്ക് ദിവസത്തെ ശമ്പളം ഓഗസ്റ്റ് മാസത്തെ ശമ്പളത്തില് നിന്ന് കുറവ് ചെയ്യും. കേന്ദ്രസര്ക്കാര് നയങ്ങളില് പ്രതിഷേധിച്ച് 10 തൊഴിലാളി യൂണിയനുകള് സംയുക്തമായാണ് രാജ്യവ്യാപകമായി പണിമുടക്കിന് ആഹ്വാനം ചെയ്തത്. കേരളത്തില് സിഐടിയു, എഐടിയുസി, ഐഎന്ടിയുസി എന്നീ സംഘടനകള് പണിമുടക്കില് പങ്കെടുക്കും. കേരളത്തില് കെഎസ്ആര്ടിസി, സ്വകാര്യ ബസ് സര്വീസുകളും, ബാങ്കിങ് മേഖല, പോസ്റ്റല് സര്വീസ് എന്നിവയേയും പണിമുടക്ക് ബാധിച്ചേക്കും .
കെഎസ്ആര്ടിസിയും ഡയസ്നോണ് പ്രഖ്യാപിച്ചു
അഖിലേന്ത്യാ പണിമുടക്കിന് മുന്നോടിയായി കെഎസ്ആര്ടിസിയും ഡയസ്നോണ് പ്രഖ്യാപിച്ചു.ബുധനാഴ്ച സാധാരണപോലെ സര്വീസുകള് നടത്തുമെന്ന്കെ എസ്ആര്ടിസി മാനേജ്മെന്റ് അറിയിച്ചു.
.
