കോഴിക്കോട്: കോഴിക്കോട് പുതിയ ബസ് സ്റ്റാന്റില് ഉണ്ടായ അഗ്നിബാധയ്ക്ക് പിന്നാലെ ഗതാഗത സംവിധാനങ്ങളെല്ലാം താളംതെറ്റി .. തീപ്പിടിത്തത്തോടെ തിരക്കും ബഹളവുമായി ഗതാഗതം കുരുക്കിലായി. ബസ് സ്റ്റാന്റ് വഴി തിരിഞ്ഞുപോകണ്ട വാഹനങ്ങള് വഴിതിരിച്ചുവിട്ടതോടെ നഗരം അക്ഷരാര്ഥത്തില് ട്രാഫിക്ക് ബ്ലോക്കില് കുരുങ്ങിയിരിക്കുകയാണ്. ബീച്ചില് നിന്നും മാനാഞ്ചിറ ഭാഗത്തുനിന്നുമെല്ലാം എത്തുന്ന വാഹനങ്ങള്ക്ക് പുതിയ ബസ് സ്റ്റാന്റ് ഭാഗം പിന്നിടാന് സാധിക്കുന്നില്ല.ജനത്തിരക്കും വാഹനത്തിരക്കും ട്രാഫിക് ബ്ലോക്കും മൂലം രക്ഷാപ്രവര്ത്തനത്തിനുള്ള വാഹനങ്ങള്ക്ക് പോലും സ്ഥലത്തേക്ക് എത്തിപ്പെടാന് സാധിക്കാത്ത സ്ഥിതിയുണ്ടായി.
തീപ്പിടിത്തമുണ്ടായ ഉടനെ തന്നെ മൊഫ്യൂസിൽ ബസ് സ്റ്റാൻഡിലെ ബസ്സുകളെല്ലാം പുറത്തേയ്ക്ക് മാറ്റിയിരുന്നു. ഇത് ദീർഘദൂര യാത്രക്കാരെ വെട്ടിലാക്കി. തീ വ്യാപിക്കുന്ന സാഹചര്യത്തില് ബസ് സ്റ്റാന്റിന് സമീപത്തേക്കുള്ള ബസ് സര്വീസുകള് പൂര്ണമായും നിര്ത്തിവെച്ചു. സ്വകാര്യ ബസ്സുകള് വഴിതിരിച്ചുവിട്ട് കെ.എസ്.ആര്.ടി.സി ബസ് സ്റ്റാന്റ് വരെ മാത്രമേ സര്വീസ് നടത്തുന്നുള്ളൂ. .
