തിരുവനന്തപുരം: സെക്രട്ടേറിയറ്റ് പടിക്കല്‍ ആശാവര്‍ക്കര്‍മാര്‍ തല മുണ്ഡനം ചെയ്തും മുടി മുറിച്ചും പ്രതിഷേധിച്ചു.ആശമാരുടെ ഓണറേറിയം വര്‍ധിപ്പിക്കുക, പെന്‍ഷന്‍ ഏര്‍പ്പെടുത്തുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ടാണ് സമരം. സമരം അമ്പതാം ദിവസത്തിലേക്ക് കടന്ന ദിനത്തിലാണ് ആശമാര്‍ മുടിമുറിച്ച് പ്രതിഷേധിച്ചിരിക്കുന്നത്. 2024 ഫെബ്രുവരി 10-ന് ആരംഭിച്ച സമരത്തിനിടെ ഫെബ്രുവരി 15, മാര്‍ച്ച് 20 ദിവസങ്ങളില്‍ രണ്ടുവട്ടം സർക്കാരുമായി ചർച്ചകൾ നടത്തിയിരുന്നു.
സര്‍ക്കാര്‍ മുഖം തിരിച്ചുനില്‍ക്കുകയാണെന്ന് ആരോപണം
.”ഇപ്പോള്‍ ഞങ്ങള്‍ മുടി മുറിച്ചുമാറ്റുന്നു, ഇനി സര്‍ക്കാര്‍ ഞങ്ങളുടെ തല വെട്ടിമാറ്റട്ടെ” തുടങ്ങിയ മുദ്രാവാക്യങ്ങള്‍ ഉയര്‍ത്തിയാണ് നൂറുകണക്കിന് ആശാവര്‍ക്കർമാർ മുടിമുറിച്ച് പ്രതിഷേധിച്ചത്. കേരള ആശ ഹെല്‍ത്ത് വര്‍ക്കേഴ്‌സ് അസോസിയേഷന്‍ നടത്തുന്ന പ്രക്ഷോഭത്തോട് സര്‍ക്കാര്‍ മുഖം തിരിച്ചുനില്‍ക്കുകയാണെന്ന് ആരോപണമുണ്ട്.
ആശപ്രവര്‍ത്തകര്‍ക്ക് ആകെ പ്രതിമാസം 13,200 രൂപ ലഭിക്കുന്നുണ്ട്.
കേരളത്തിലുള്ള 26,448 ആശപ്രവര്‍ത്തകര്‍ക്ക് നിലവില്‍ മാസം 7000 രൂപയാണ് ഓണറേറിയമായി നല്‍കുന്നത്. കൂടാതെ, കേന്ദ്രസര്‍ക്കാരിന്റെ 3000 രൂപ സ്ഥിരം ഇന്‍സെന്റീവ്, ടെലിഫോണ്‍ അലവന്‍സ് 200 രൂപ എന്നിവ ഉള്‍പ്പെടെ ആകെ പ്രതിമാസം 13,200 രൂപ ലഭിക്കുന്നു. സംസ്ഥാന
സര്‍ക്കാര്‍ നല്‍കുന്ന 7000 രൂപ ഓണറേറിയം ലഭിക്കാന്‍ 10 മാനദണ്ഡം ഏര്‍പ്പെടുത്തിയിരുന്നു, എന്നാല്‍ സമരത്തെത്തുടര്‍ന്ന് അവ ഒഴിവാക്കി യിട്ടുണ്ട്.
സമരത്തില്‍ എന്തുകൊണ്ടാണ് കേന്ദ്രത്തിനെതിരെ വിമര്‍ശനമില്ലാത്തതെന്ന് എം.വി. ഗോവിന്ദന്‍
“ജനാധിപത്യപരമായി സമരം ചെയ്യാനും അതു തുടരാനും എല്ലാവര്‍ക്കും അവകാശമുണ്ട്.” എന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍ അഭിപ്രായപ്പെട്ടു. സമരത്തില്‍ രണ്ട് തവണ ചര്‍ച്ച നടത്തിയതായും, എല്ലാ കാര്യങ്ങളും വിശദീകരിച്ചിട്ടുണ്ടെന്നും അദ്ദേഹം പറഞ്ഞു. കൂടാതെ, എസ്.യു.സി.ഐ അല്ലെങ്കില്‍ മഴവില്‍സഖ്യത്തിലുള്ള സംഘടനകള്‍ സര്‍ക്കാരിനെതിരേ ജനവികാരം ഇളക്കാന്‍ ശ്രമിക്കുകയാണെന്നു ആരോപിച്ചു. കേന്ദ്രസര്‍ക്കാര്‍ ഇടപെട്ടാല്‍ ആശപ്രവര്‍ത്തകര്‍ക്ക് കൂടുതൽ ആനുകൂല്യങ്ങള്‍ ലഭ്യമാക്കാമെന്നും, സമരത്തില്‍ എന്തുകൊണ്ടാണ് കേന്ദ്രത്തിനെതിരെ വിമര്‍ശനമില്ലാത്തതെന്ന് എം.വി. ഗോവിന്ദന്‍ ചോദിച്ചു
