പാലക്കാട്: മണ്ണാർക്കാട് കരടിയോട് പള്ളിക്ക് സമീപത്തുള്ള ഒഴിഞ്ഞ റബർ തോട്ടത്തില് വച്ച് മലമാനിനെ വെടിവെച്ചു കൊന്ന കേസില് കോട്ടോപ്പാടം ഇരട്ടവാരി സ്വദേശികളായ കുഞ്ഞയമു, റാഫി എന്നിവർ കീഴടങ്ങി. റാഫിയുടെ വീട്ടില് നിന്ന് കഴിഞ്ഞ ദിവസം മാനിന്റെ ഇറച്ചിയും ശരീര ഭാഗങ്ങളും കണ്ടെത്തിയിരുന്നു. മൂന്ന് വയസ് പ്രായമുള്ള മലമാനിനെയാണ് ഇവർ വെടിവെച്ച് കൊന്നത്.
വെടിവെയ്ക്കാൻ ഉപയോഗിച്ച തോക്കും പിടിച്ചെടുത്തിരുന്നു
തുടര്ന്ന് നടത്തിയ തെളിവെടുപ്പില് മാനിനെ വെടിവെയ്ക്കാൻ ഉപയോഗിച്ച തോക്കും പിടിച്ചെടുത്തിരുന്നു. കേസിലെ മറ്റ് പ്രതികളെക്കുറിച്ച് അന്വേഷണം നടത്തി വരികയാണെന്ന് ഫോറസ്റ്റ് ഉദ്യോഗസ്ഥർ പറഞ്ഞു
