ശഖുംമുഖം: മയക്കുമരുന്ന് വില്പന നടത്തുന്ന നാലംഗ സംഘത്തെ നാട്ടുകാർ പിടികൂടി പൊലീസിനെ ഏല്പ്പിച്ചു. ഇവരിൽ നിന്ന് നാല് പായ്ക്കറ്റുകളാക്കിയ രണ്ട് ഗ്രാം എം.ഡി.എം.എയും പിടിച്ചെടുത്തു. ബീമാപ്പള്ളി സ്വദേശികളായ ഹാഷിം (22), റയീസ് (30), അഫ്സൽ (20), നിജാസ് (23) എന്നിവരെയാണ് പൂന്തുറ പൊലീസിന് കൈമാറിയത്. പൂന്തുറ പള്ളിത്തെരുവിലാണ് സംഭവം. ലഹരി സംഘങ്ങളുടെ ശല്യം വർദ്ധിച്ചതിനെ തുടർന്ന് നാട്ടുകാരും റസിഡന്റ്സ് അസോസിയേഷനുകളും ചേർന്ന് രാത്രികാല പരിശോധന നടത്തുകയായിരുന്നു.
രണ്ടുപേർ അസമയത്ത് ബൈക്കിലെത്തിയത് നാട്ടുകാരിൽ സംശയം ഉണ്ടാക്കി.:
പരിശോധനയ്ക്കിടെ പ്രതികളിൽ രണ്ടുപേർ അസമയത്ത് ബൈക്കിലെത്തിയത് നാട്ടുകാരിൽ സംശയം ഉണ്ടാക്കി. ഇവരെ ചോദ്യം ചെയ്തപ്പോഴാണ് ഇവർ സമീപത്ത് ഒരു വീട് വാടകയ്ക്കെടുത്തിരിക്കുന്നു എന്ന വിവരം അറിയുന്നത്. വീടിനെക്കുറിച്ച് അന്വേഷിച്ച നാട്ടുകാർ അകത്തുള്ള മറ്റുള്ളവരെ ലഹരി ഉപയോഗിക്കുന്ന നിലയിൽ കണ്ടെത്തി. തുടർന്ന് വീട് പരിശോധിക്കുമ്പോൾ എം.ഡി.എം.എയും ഉപയോഗത്തിനുള്ള സാധനങ്ങളും കണ്ടെടുക്കുകയായിരുന്നു.
സ്ഥലത്തെത്തിയ പൊലീസ് പ്രതികളെ കസ്റ്റഡിയിലെടുത്തു.
നാട്ടുകാർ വിവരം പൂന്തുറ പൊലീസിനെ അറിയിക്കുകയായിരുന്നു. ഉടൻ സ്ഥലത്തെത്തിയ പൊലീസ് പ്രതികളെ കസ്റ്റഡിയിലെടുത്ത് തുടർ നിയമ നടപടികൾ ആരംഭിച്ചു
