(parliament) ഡിഎംകെ എംപി ഡിഎൻവി സെന്തിൽകുമാർ (DMK MP Senthikumar) നടത്തിയ ഗോമൂത്ര പരാമർശത്തിൽ (Cow urine remark) വിവാദം ഉയരുന്നു. ഇതേതുടർന്ന് ഇന്ന് ലോക്‌സഭയിൽ വലിയ ബഹളമാണ് നടന്നത്. ഹിന്ദി ഹൃദയഭൂമിയിലെ സംസ്ഥാനങ്ങളെ ‘ഗോമൂത്ര സംസ്ഥാനങ്ങൾ’ എന്ന് വിശേഷിപ്പിച്ചതാണ് വിവാദമായത്. ഹിന്ദി ഹൃദയഭൂമിയിലെ സംസ്ഥാനങ്ങളിൽ മാത്രമാണ് ബിജെപി (BJP) വിജയിക്കുന്നതെന്നും അവയെ ഗോമൂത്ര സംസ്ഥാനങ്ങളെന്നാണ് വിളിക്കുന്നത് എന്നുമാണ് സെന്തിൽ കുമാർ പറഞ്ഞത്
എന്നാൽ ഇതിനെതിരെ ബിജെപി രംഗത്തുവന്നു. രാജ്യത്തെ ജനങ്ങൾ ഇത്തരം പരാമർശങ്ങൾ നടത്തുന്നവരോട് പൊറുക്കില്ലെന്ന് ഡിഎംകെയ്ക്ക് നന്നായി അറിയാമെന്ന് കേന്ദ്രമന്ത്രി മീനാക്ഷി ലേഖി പ്രതികരിച്ചു. ഗോമൂത്രത്തിന്റെ ഗുണങ്ങൾ ഡിഎംകെയ്ക്ക് ഉടൻ മനസിലാകും. രാജ്യത്തിന്റെ വികാരം വ്രണപ്പെടുത്താൻ ശ്രമിക്കുന്നവർക്ക് ജനങ്ങളിൽനിന്ന് കനത്ത തിരിച്ചടി നേരിടേണ്ടിവരുമെന്നും കേന്ദ്രമന്ത്രി മുന്നറിയിപ്പ് നൽകി.
“കർണ്ണാടകയിൽ ബിജെപി സർക്കാരുണ്ടെന്ന കാര്യം അവർ മറന്നു. കർണാടകയിലെ ഭൂരിഭാഗം എംപിമാരും കർണാടകയിൽ നിന്നുള്ളവരാണ്. ബിജെപി, തെലങ്കാന എന്നിവിടങ്ങളിൽ നിന്ന് ഞങ്ങൾക്ക് 3 എംപിമാരുണ്ട്, 8 എംഎൽഎമാർ തിരഞ്ഞെടുക്കപ്പെട്ടു. അവർ ഇന്ത്യയെ വിഭജിക്കാൻ ശ്രമിക്കരുത്, ഈ വിഷയത്തിൽ സോണിയ ഗാന്ധി ഒരു വ്യക്തത നൽകുമെന്ന് ഞാൻ പ്രതീക്ഷിക്കുന്നു. ഗോമൂത്ര പരാമർശത്തെക്കുറിച്ച് ബിജെപി എംപി സാധ്വി നിരഞ്ജൻ ജ്യോതി പറഞ്ഞു. ഡിഎംകെ എംപിയുടെ ‘ഗോമൂത്രം’ പരാമർശത്തിനെതിരായ ബഹളത്തെ തുടർന്ന് ഇന്ന് ലോക്‌സഭ 12 മണി വരെ താൽക്കാലികമായി പിരിഞ്ഞു.
അതേസമയം പാർലമെന്റിന് പുറത്ത് മാധ്യമപ്രവർത്തകരോട് സംസാരിക്കവെയാണ് കേന്ദ്രമന്ത്രി കൈലാഷ് ചൗധരി സുഖ്‌ദേവ് സിംഗ് ഗോഗമേദിയുടെ കൊലപാതകത്തെക്കുറിച്ച് സംസാരിച്ചു. “രാജസ്ഥാനിൽ ഗുണ്ടകൾക്ക് സ്ഥാനമില്ല, ക്രിമിനൽ പ്രവർത്തനങ്ങളിൽ ഏർപ്പെടുന്നവർക്ക് ശിക്ഷ നൽകണം,” അദ്ദേഹം പറഞ്ഞു. സെന്തിൽകുമാറിന്റെ പരാമർശം തള്ളി കോൺഗ്രസ് നേരത്തേ രംഗത്തെത്തിയിരുന്നു. സെന്തിൽകുമാറിന്റെ വാക്കുകൾ നിർഭാഗ്യകരമാണെന്നും അദ്ദേഹം മാപ്പ് പറയണമെന്നുമാണ് കോൺഗ്രസ് നേതാവ് കാർത്തി ചിദംബരം പ്രതികരിച്ചത്.
