ന്യൂഡൽഹി: ദാദാസാഹിബ് ഫാൽകെ പുരസ്കാരത്തിന് അർഹയായി പ്രശസ്ത ബോളിവുഡ് നടി വഹീദാ റഹ്മാൻ. ചലച്ചിത്രരംഗത്തെ സമഗ്രസംഭാവനയ്ക്കുള്ള പുരാസ്കരത്തിനാണ് താരം അർഹയായത്. കേന്ദ്ര സാംസ്കാരിക വകുപ്പ് മന്ത്രി അനുരാഗ് താക്കൂറാണ് ഇക്കാര്യം അറിയിച്ചത്.
ഗൈഡ്, സാഹിബ് ബീബി ഓർ ഗുലാം തുടങ്ങിയ ചിത്രങ്ങളിലെ അഭിനയ മികവിന് ഏറെ പ്രകീർത്തിക്കപ്പെട്ടിട്ടുള്ള പ്രതിഭയാണ് വഹീദ. 1972ൽ പദ്മശ്രീയും 2011ൽ പദ്മഭൂഷണും ലഭിച്ചിരുന്നു.
