കൊച്ചി: 1970 കളില് റവല്യൂഷണറി സോഷ്യലിസ്റ്റ് പാര്ട്ടിയുടെ തൃശൂര് ജില്ലാ സെക്രട്ടറിയായിരുന്നു ഇന്നസെന്റ്. 1979-ല് റവല്യൂഷണറി സോഷ്യലിസ്റ്റ് പാര്ട്ടിയുടെ പിന്തുണയുള്ള സ്ഥാനാര്ത്ഥിയായി ഇരിങ്ങാലക്കുട മുനിസിപ്പല് കൗണ്സില് തെരഞ്ഞെടുപ്പില് അദ്ദേഹം മത്സരിക്കുകയും വിജയിക്കുകയും ചെയ്തിരുന്നു. 2006 ലെ കേരള നിയമസഭാ തെരഞ്ഞെടുപ്പില് ഇരിങ്ങാലക്കുട നിയമസഭാ മണ്ഡലത്തില് നിന്ന് അദ്ദേഹം ഇടതുപക്ഷ ജനാധിപത്യ മുന്നണി (എല്ഡിഎഫ്) പിന്തുണച്ച സ്വതന്ത്ര സ്ഥാനാര്ത്ഥിയാണെന്ന് അഭ്യൂഹങ്ങളുണ്ടായിരുന്നുവെങ്കിലും അത് നടന്നില്ല. 2014ലെ ലോക്സഭാ തിരഞ്ഞെടുപ്പില് തൃശൂര് ജില്ലയിലെ ചാലക്കുടി ലോക്സഭാ മണ്ഡലത്തില് നിന്ന് എല്ഡിഎഫ് പിന്തുണച്ച സ്വതന്ത്ര സ്ഥാനാര്ത്ഥിയായി ഇന്നസെന്റ് വിജയിച്ചു.
2019ലെ ലോക്സഭാ തിരഞ്ഞെടുപ്പില് യുഡിഎഫ് സ്ഥാനാര്ഥി ബെന്നി ബഹനാനോട് പരാജയപ്പെട്ടു.
തുടക്കം ആര്.എസ്.പി. ജില്ലാ സെക്രട്ടറി
