തിരുവനനതപുരം: സര്ക്കാരുമായുള്ള പോര് കടുപ്പിച്ച് ഗവര്ണര് ആരിഫ് മുഹമ്മദ് ഖാന്. 9 സര്വ്വകലാശാലകളിലെ വിസിമാരോട് രാജി സമര്പ്പിക്കാന് നിര്ദ്ദേശം നല്കി.യുജിസി ചട്ടം പാലിക്കാത്തതിന്റെ പേരില് സാങ്കേതിക സര്വ്വകലാശാല വിസി നിയമനം റദ്ദാക്കിയ സുപ്രീംകോടതി ഉത്തരവിന്റെ അടിസ്ഥാനത്തിലാണ് ഗവര്ണറുടെ അസാധാരണ നടപടി.കേരള സര്വ്വകലാശാല, എംജി സര്വ്വകലാശാല, കൊച്ചി സര്വ്വകലാശാല,ഫിഷറീസ് സര്വ്വകലാശാല, കണ്ണൂര് സര്വ്വകലാശാല,സാങ്കേതിക സര്വ്വകലാശാല,ശ്രീശങ്കരാചാര്യ സംസ്കൃത സര്വ്വകലാശാല,കാലിക്കറ്റ് സര്വ്വകലാശാല,മലയാളം സര്വ്വകലാശാല എന്നിവടങ്ങളിലെ വിസിമാരോടാണ് രാജി ആവശ്യപ്പെട്ടിരിക്കുന്നത്.
ഗവർണറും സർക്കാരും തമ്മിലെ പോര് പരിധി വിട്ട് നീങ്ങുമ്പോൾ ഇന്ന് നിർണ്ണായക ദിനം. രാജി വെക്കാൻ 9 വിസിമാർക്ക് ഗവർണ്ണർ നൽകിയ അന്ത്യശാസനം 23/10/2022 പതിനൊന്നരക്ക് അവസാനിക്കും. വിസിമാർ രാജി വെക്കേണ്ട എന്നാണ് സർക്കാർ നിർദേശം.രാജി ഇല്ലെങ്കിൽ 9 പേരെയും രാജ് ഭവൻ പുറത്താക്കും.പുതിയ വിസി മാരുടെ ചുമതല സീനിയർ പ്രൊഫസർമാർക്ക് നൽകും.
അതിനിടെ ഗവർണ്ണർക്ക് മറുപടി നൽകാൻ രാവിലെ പത്തരക്ക് മുഖ്യമന്ത്രി പാലക്കാട് വാർത്ത സമ്മേളനം വിളിച്ചിട്ടുണ്ട്.രാജി വെക്കാൻ ഗവർണ്ണർ നിർദേശിച്ച 9 പേരിൽ ഉൾപ്പെട്ട കേരള വി സി യുടെ കാലാവധി 23/10/2022 തീരും.ആരോഗ്യ സർവകലാശാല വിസിക്ക് കേരളയുടെ ചുമതല നൽകിയെക്കും. ഡിജിറ്റൽ സർവ്വകലാശാല വിസിക്കും ശ്രീനാരായണ ഓപ്പൺ സർവ്വകലാശാല വിസിക്കും എതിരെയും നടപടിക്ക് സാധ്യത ഉണ്ട്. യുജിസി മാനദണ്ഡം പാലിക്കാതെ ഉള്ള നിയമനങ്ങളിൽ ആണ് ഗവർണ്ണറുടെ കൂട്ട നടപടി
