കൊച്ചി: നടിയെ ആക്രമിച്ച കേസില് ദിലീപിനെയും, വധഗൂഢാലോചനാ കേസില് സുഹൃത്ത് ശരത്തിനെയും ക്രൈംബ്രാഞ്ച് ചോദ്യം ചെയ്യുന്നു. ചൊവ്വാഴ്ച(29/03/22) രാവിലെ മുതൽ കളമശ്ശേരി ക്രൈംബ്രാഞ്ച് ഓഫീസിലാണ് ചോദ്യംചെയ്യല് പുരോഗമിക്കുന്നത്. ഉദ്യോഗസ്ഥരെ അപായപ്പെടുത്താന് ദിലീപ് ഗൂഢാലോചന നടത്തുമ്പോള് ശരത്ത് ഒപ്പം ഉണ്ടായിരുന്നുവെന്ന വിവരത്തിന്റെ അടിസ്ഥാനത്തിലാണ് ശരത്തിനെ ചോദ്യം ചെയ്യുന്നത്. നടിയെ ആക്രമിച്ചതിന്റെ ദൃശ്യങ്ങള് ദിലീപിന് എത്തിച്ചു നല്കിയത് ശരത്താണെന്ന് സംവിധായകന് ബാലചന്ദ്രകുമാര് മൊഴി നല്കിയിരുന്നു. നടിയെ ആക്രമിച്ച കേസില് ദിലീപിനെ രണ്ടാം ദിവസമാണ് ചോദ്യം ചെയ്യുന്നത്. ആലുവ പൊലീസ് ക്ലബ്ബിലാണ് ചോദ്യം ചെയ്യല്. ഇന്നലെ നടന്ന ചോദ്യം ചെയ്യലില് സംവിധായകന് ബാലചന്ദ്രകുമാറിന്റെ ആരോപണങ്ങള് ദിലീപ് നിഷേധിച്ചിരുന്നു.
വധഗൂഢാലോചന കേസ്; ദിലീപിന്റെ സുഹൃത്ത് ശരത്തിനെ ക്രൈംബ്രാഞ്ച് ചോദ്യം ചെയ്യുന്നു
