തിരുവനന്തപുരം: എസ് എഫ് ഐ പ്രവർത്തകന്റെ കൊലപാതകത്തിന്റെ സാഹചര്യത്തിൽ പ്രതിപക്ഷ നേതാവ് വി.ഡി. സതീശന്റെയും കെ.പി.സി.സി അധ്യക്ഷന് കെ.സുധാകരന്റേയും സുരക്ഷ വര്ധിപ്പിച്ചു. ധീരജിന്റെ കൊലപാതകത്തിന് പിന്നാലെയുള്ള രാഷ്ട്രീയ സംഘര്ഷങ്ങളെ മുന്നിര്ത്തിയാണ് തീരുമാനം. ഇതുസംബന്ധിച്ച് ജില്ലാ പൊലീസ് മേധാവികള്ക്ക് പൊലീസ് ആസ്ഥാനത്ത് നിന്ന് രേഖാമൂലം നിര്ദേശം നല്കി.
കെ. സുധാകരന് നിലവിലുള്ള ഗണ്മാന് പുറമേ കമാന്റോ ഉള്പ്പെടെയുള്ള സുരക്ഷയൊരുക്കണം. കെ.പി.സി.സി പ്രസിഡന്റ് പങ്കെടുക്കുന്ന പൊതുസമ്മേളനങ്ങളില് സ്പെഷ്യല് ബ്രാഞ്ച് നിരീക്ഷണം ഏര്പ്പെടുത്തണം. സുധാകരന്റെ വീടിന് പൊലീസ് കാവല് നല്കണം തുടങ്ങിയ സുരക്ഷ നിര്ദേശങ്ങളാണ് ഇന്റലിജന്സ് മുന്നോട്ട് വെച്ചത്.
