തിരുവനന്തപുരം: ഖാദി ബോര്ഡ് വൈസ് ചെയര്മാന് സ്ഥാനം ഏറ്റെടുക്കില്ലെന്ന് ചെറിയാന് ഫിലിപ്പ്. താന് ചരിത്ര രചനയിലാണെന്നും മറ്റ് ഉത്തരവാദിത്തങ്ങള് ഏറ്റെടുക്കാന് ബുദ്ധിമുട്ടുണ്ടെന്നും ചെറിയാന് ഫിലിപ്പ് അറിയിച്ചു.
‘അടിയൊഴുക്കുകള്’ എന്ന ആധുനിക രാഷ്ട്രീയ ചരിത്രരചനയില് വ്യാപൃതനാണ്. 40 വര്ഷം മുമ്പ് പ്രസിദ്ധീകരിച്ച കാല് നൂറ്റാണ്ട് എന്ന ഗ്രന്ഥത്തിന്റെ പിന്തുടര്ച്ചയായ ചരിത്രം എഴുതണമെന്ന് ആഗ്രഹമുണ്ടായിരുന്നെങ്കിലും രാഷ്ട്രീയ തിരക്കുമൂലം സാധിച്ചില്ല,’ അദ്ദേഹം പറഞ്ഞു.
രണ്ടു വര്ഷത്തെ നിരന്തര പരിശ്രമം അനിവാര്യമാണ്. ഖാദി വില്പനയും ചരിത്രരചനയും ഒരുമിച്ചു നടത്താന് പ്രയാസമാണ്, ചെറിയാന് ഫിലിപ്പ് പറഞ്ഞു.
ഒന്നാം പിണറായി സര്ക്കാരിന്റെ കാലത്ത് നവകേരളം കര്മപദ്ധതി കോ-ഓഡിനേറ്ററായിരുന്നു ചെറിയാന് ഫിലിപ്പ്.
