മൺമറഞ്ഞ വിഖ്യാത സംവിധായകൻ ആൽഫ്രഡ് ഹിച്ച്കോക്കിന്റെ മകളും ഹോളിവുഡ് നടിയുമായ പാട്രീഷ്യ ഹിച്ച്കോക്ക് (93 ) അന്തരിച്ചു. കാലിഫോർണിയയിലെ തൗസന്റ് ഓക്സിൽ തിങ്കളാഴ്ചയായിരുന്നു മരണം.
1951ൽ സ്ട്രേഞ്ചേഴ്സ് ഓൺ എ ട്രെയിൻ എന്ന ചിത്രത്തിലെ ബാർബാ മോർട്ടൺ എന്ന കഥാപാത്രം പാട്രീഷ്യക്ക് ഏറെ പ്രേക്ഷക ശ്രദ്ധ നേടി കൊടുത്തു. 1950 ൽ ഹിച്കോക്കിന്റെ തന്നെ സ്റ്റേജ് ഫ്രൈറ്റ് എന്ന ചിത്രത്തിൽ ചബ്ബിബാനിസ്റ്റർ എന്ന വിദ്യാർത്ഥിയുടെ വേഷത്തിലായിരുന്നു പാട്രീഷ്യയുടെ ആദ്യ സിനിമാ അരങ്ങേറ്റം.
ഹിച്ച്കോക്കിന്റെ തന്നെ സൈക്കോ , സബോട്ടാഷ്, എന്നീ ചിത്രങ്ങളിലും ദി മഡ്ലാർക്ക്, ദി ടെൻ കമാന്റ്മെന്റ്സ് എന്നീ ചിത്രങ്ങളിലും സസ്പെൻസ് ആൻഡ് സസ്പീഷ്യൻ തുടങ്ങിയ ടെലിവിഷൻ സീരീസുകളിലും അഭിനയിച്ചിട്ടുണ്ട്.
ലണ്ടനിലെ റോയൽ അക്കാദമി ഓഫ് ഡ്രമാറ്റിക് ആർട്ടിലെ പഠനത്തിന് ശേഷമാണ് പാട്രീഷ്യ അഭിനയ മേഖലയിലേക്ക് എത്തിയത്.
