നിയമസഭാ കയ്യാങ്കളി കേസ് വീണ്ടും സുപ്രീംകോടതിയിൽ. കേസ് തീര്പ്പാക്കാൻ അനുമതി നൽകണമെന്ന് ആവശ്യപ്പെട്ട് സംസ്ഥാന സര്ക്കാര് നൽകിയ ഹര്ജി ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് 15/07/2021 വ്യാഴാഴ്ച പരിഗണിക്കുക.
കഴിഞ്ഞ തവണ കേസ് പരിഗണിച്ചപ്പോൾ സര്ക്കാര് നീക്കത്തിനെതിരെ കടുത്ത വിമര്ശനമായിരുന്നു സുപ്രീംകോടതി നടത്തിയത്. കയ്യാങ്കളി കേസ് പിൻവലിക്കാൻ സര്ക്കാരിന് സാധിക്കില്ലെന്ന് പറഞ്ഞ കോടതി എംഎൽഎമാരുടേത് ഒരിക്കലും യോജിക്കാനാകാത്ത പ്രവൃത്തിയാണെന്നും വിമര്ശിച്ചിരുന്നു. എംഎല്എമാരുടേത് മാപ്പര്ഹിക്കാത്ത പെരുമാറ്റമാണെന്ന് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് ആഞ്ഞടിച്ചിരുന്നു. കേസില് നോട്ടിസ് അയക്കാനും കോടതി തയാറായില്ല. വിശദമായി കേൾക്കാതെ ഹര്ജി തള്ളരുതെന്ന സര്ക്കാര് ആവശ്യം അംഗീകരിച്ചാണ് കേസ് 15/07/2021 വ്യാഴാഴ്ചത്തേക്ക് മാറ്റിവെച്ചത്.
കേസ് പിന്വലിക്കണമെന്ന ആവശ്യത്തില് സംസ്ഥാന സര്ക്കാര് ഉറച്ചുനില്ക്കും. വിവാദത്തിലായ മുതിര്ന്ന അഭിഭാഷകന് രഞ്ജിത് കുമാര് തന്നെയാണ് സര്ക്കാരിന് വേണ്ടി ഹാജരാകുന്നത്.
