തിരുവനന്തപുരം: ട്രിപ്പിള് ലോക്ക്ഡൗണ് ഏര്പ്പെടുത്തിയ ജില്ലകളിലും ബാങ്കുകളുടെ പ്രവൃത്തി ദിനം തിങ്കള്, ബുധന്, വെള്ളി ദിവസങ്ങളിലായിരിക്കും. നിശ്ചിത സമയപരിധിയില് മിനിമം ജീവനക്കാരെ വെച്ച് ഇത് നടപ്പാക്കണം.
ലോക്ക് ഡൗണുള്ള മറ്റു ജില്ലകളില് എല്ലാ ബാങ്കുകളും തിങ്കള്, ബുധന്, വെള്ളി ദിവസങ്ങളിലാണ് പ്രവര്ത്തിക്കുക. ബാങ്കിംഗ് ഇടപാടുകള് സുഗമമാക്കാന് എല്ലാ ജില്ലകളിലും ബാങ്കുകള് ഒരു പോലെ പ്രവര്ത്തിക്കേണ്ടിവരുന്നതിനാലാണ് പുതിയ തീരുമാനം.
ട്രിപ്പിള് ലോക്ക്ഡൗണ് ഏര്പ്പെടുത്തിയ ജില്ലകളിലും പാല്, പത്രം വിതരണം എന്നിവ രാവിലെ 8 മണി വരെ അനുവദിക്കും. മത്സ്യവിതരണംകൂടി ഈ സമയത്തിനുള്ളില് അനുവദിക്കും. തിരുവനന്തപുരം, തൃശൂര്, എറണാകുളം, മലപ്പുറം എന്നീ ജില്ലകളില് 16/05/21 ഞായറാഴ്ച അര്ധരാത്രി മുതലാണ് ട്രിപ്പിള് ലോക്ഡൗണ് പ്രാബല്യത്തില് വരുന്നത്.
സംസ്ഥാനത്തെ എല്ലാ ജില്ലകളിലും ടെസ്റ്റ് പോസിറ്റിവിറ്റി നിരക്ക് ഉയര്ന്ന് നില്ക്കുന്ന സാഹചര്യത്തില് ലോക്ഡൗണ് മെയ് 23 വരെയാണ് നീട്ടിയിരിക്കുന്നത്. രോഗം നിയന്ത്രണ വിധേയമാകാത്ത, രോഗികളുടെ എണ്ണം വര്ധിക്കുന്ന ഇടങ്ങളില് കടുത്ത നിയന്ത്രണം വേണ്ടി വരും. രോഗവ്യാപനം കുറച്ചു കൊണ്ടുവരാനാണ് കടുത്ത നിയന്ത്രണങ്ങള് ഏര്പ്പെടുത്തുന്നതെന്ന് മുഖ്യമന്ത്രി പിണറായി വിജയന് 15/05/21 ശനിയാഴ്ച പറഞ്ഞിരുന്നു.
