തൃശ്ശൂർ: മൊബൈൽ ടവറുകളിൽനിന്ന് ബാറ്ററി മോഷ്ടിച്ച കേസിലെ പ്രതികളെ എരുമപ്പെട്ടി പൊലീസ് അറസ്റ്റ് ചെയ്തു. എറണാകുളം സ്വദേശികളായ വാഴക്കുളം മരമ്പിള്ളി മഞ്ഞപ്പെട്ടി ദേശത്ത് ചാഴിക്കേരി വീട്ടിൽ ഷാജി (42), ചൊവ്വര ശ്രീമൂലനഗരം കാരയിൽ ദേശത്ത് കടവിലാൻ വീട്ടിൽ നിസാർ (40), കിഴക്കുംഭാഗം പാറപ്പുറംകര ദേശത്ത് കൊല്ലാട്ട് വീട്ടിൽ നസീർ (49) എന്നിവരെയാണ് എരുമപ്പെട്ടി സ്റ്റേഷൻ ഹൗസ് ഓഫിസർ എം.ബി. ലത്തീഫ് അറസ്റ്റ് ചെയ്തത്.
പന്നിത്തടം, എയ്യാൽ പ്രദേശങ്ങളിലെ മൊബൈൽ ടവറുകളിൽനിന്ന് മാർച്ച് 20നാണ് ഇവർ ബാറ്ററികൾ മോഷ്ടിച്ചത്. ബാറ്ററികൾക്ക് ഏകദേശം രണ്ടുലക്ഷം രൂപ വിലമതിക്കും. പന്നിത്തടം ടവറിൽ നിന്ന് 24 ബാറ്ററിയും എയ്യാൽ ഉപ്പുപാറ ടവറിൽനിന്ന് 27 ബാറ്ററിയുമാണ് മോഷ്ടിച്ചത്.
